Albistea entzun

Peru

Repsoleko lau arduraduni Perutik irtetea debekatu diete, olio isuriaren auzian

Peruk salatu du beste isuri bat izan dela Limako kostaldean. Aurrez, Repsoleko petroliontzi batek 6.000 upel isuri zituen Limako kostaldean, eta 50 kilometro hondatu.

Langile bat garbiketa lanetan, Ventanilla hirian. /
Langile bat garbiketa lanetan, Ventanilla hirian. / Juan Ponce/EFE Tamaina handiagoan ikusi

Arantxa Elizegi Egilegor -

2022ko urtarrilak 28

Urtarrilaren 15ean, Tonga sumendiaren erupzioak eraginda, itsas maila kolpetik igo zen Peruko kostaldean, eta, ondorioz, Limatik gertu, Pampillako findegian, milioi bat petrolio upel deskargatzen ari zen Repsoleko itsasontzi batek 6.000 upel isuri zituen itsasora. Petrolioz zikinduta geratu da kostaldeko 50 kilometroko eremua. Dagoeneko hasiak dira hura garbitzen, baina gobernuak salatu du «azken urteetako ingurumen hondamendirik handiena» izan dela. Espainiako Repsol konpainiari egotzi dio Limak erantzukizuna, eta auzia daraman epaileak 18 hilabetez debekatu die enpresa horretako lau ordezkariri Perutik irtetea.

Isuria izan eta gutxira hasi zen gertaera ikertzen Peruko Ingurumen Auzietarako Fiskaltza. Pampillako findegia egiten dute gertatutakoaren erantzule, eta Repsolek kudeatzen du hura. Bi natur erreserbetara ere heldu da isuria. Ingurumen ministro Ruben Ramirezek iragarri du bestelako neurriak ere eskatuko dituztela konpainiako arduradunen aurka: «Gogor ekingo dugu erantzuleen kontra. Egin dutenak, perutarrei ez ezik, mundu guztiari eragiten dio». Bestalde, Ingurumenaren Ebaluazio eta Fiskalizaziorako Erakundeak iragarri du Repsoli isuna jartzeko prozedura abiatu duela, hark isuritako petrolioa biltzeari uko egin ostean. 4,2 milioi eurotaraino hel daiteke zigor ekonomikoa.

Repsolek berak eman zuen gertatutakoaren berri, baina hasieran garrantzia kendu zion auziari, eta esan zuen 25 litro inguru isuri zirela itsasora. Ondorioz, agintariek ez uzten isuriaren benetako neurriaren berri izan hurrengo egunera arte, orduan hasi baitzen petrolioa kostaldera heltzen. Gobernuak 90 eguneko ingurumen larrialdia ezarri du kostaldean, garbiketa lanak errazte aldera. Baina beste isuri batek okertu egin du egoera. Gobernuaren iturrien arabera, toki berean izan da isuria. Repsolek, baina, ukatu egin du, eta esan du 15 metroko sakoneran egiten ari ziren garbiketa lanen ondorioz itsas azalera atera dela hilaren 15ean isuritako eta ordutik hoditerian harrapatuta geratutako fuel olioaren zati bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Abortatzeko eskubideak etorkizun ziurgabea

Zuriñe Iglesias Sarasola

Azken 25 urteetan hobekuntzak egon dira munduan abortatzeko eskubidean: Afrikan eman da aurrerapausorik handiena. Europa da andreen eskubideak gehien babesten dituena, eta legedi hori leuntzeko erdibidean geratu da Asia. Amerikan izan dira aldaketa nabarienak: AEBetan, txarrera, eta Latinoamerikan, hobera.

 ©Fernando Bizerra / EFE

Bolsonaro, Lula eta zentroa

Cecilia Valdez

Urriaren 2an, Brasilen historiako boz orokorrik garrantzitsuenetako batzuk egingo dira. Ekonomikoki ezin okerrago dago herrialdea, eta, hori gutxi balitz bezala, bizimodu soziala erabat militarizatuta dago.

Boris Johnson, joan den astean, Zeelanda Berrian. ©CHRIS J. RATCLIFFE / EFE

Johnsonen gobernua kolokan jarri dute bi ministroren dimisioek

Gorka Berasategi Otamendi

Erresuma Batuko Finantza eta Osasun ministroek gobernua utzi dute, eta mugimenduak nabarmen zaildu dio Johnsoni agintean jarraitzea

Traktore bat, herenegun, Milan inguruko lursail batean. ©ANDREA FASANI / EFE

Italia iparraldeko bost eskualdetan larrialdia ezarri dute, lehortea dela eta

Igor Susaeta

Azken 70 urteotako idorterik gogorrena jasaten ari dira Po ibaiaren ibarrean. Gobernuak aukera du etxeetan eta enpresetan ur kontsumoa mugatzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...