Albistea entzun

Makina-erreminta

Makina-erreminta %15,4 hazi da 2021ean

Sektoreak 1.528 milioiren salmentak izan ditu, eta horietatik %75etik gora atzerriko merkatuetan. Ekainean egingo dute biurtekoa, BECen.

Makina-erremintaren biurteko azoka, atxiboko irudi batean.
Makina-erremintaren biurteko azoka, atxiboko irudi batean. Luis Jauregialtzo/Foku Tamaina handiagoan ikusi

Aitor Biain -

2022ko otsailak 11 15:29

AFM Makina-erremintako patronala pozik dago 2021. urteak utzi dituen emaitzekin. Zailtasunak zailtasun, iazkoa «urte ona» izan dela azpimarratu du Xabier Ortueta klusterreko zuzendari nagusiak. Sektorearen fakturazioa %15,4 handitu da, eta pandemian galdutakoaren zati handi bat berreskuratu du. «Jauzi nabarmena ikusi dugu pandemiaren lehen sei hilabeteetan izandako bat-bateko beheraldiaren ondoren».

Euskal industriarentzat oinarrizkoa den sektorea da makina-erreminta, eta pandemiaren gordinenean lurrikara handi bati aurre egin behar izan zion. Autogintzaren geldialdiak aurrena eta COVID-19aren krisiak ondoren, ataka larrian utzi zuen sektorea, ia eskaririk gabe geratzeraino. Ari da suspertzen, edonola ere, eta iazko emaitzak dira horren erakusle.

Sektoreak 1.528 milioi euroren salmentak izan ditu 2021ean, eta horietatik 1.204,38 milioi esportazioak izan dira. Esan beharrik ez dago: kanpoko salmenta horiei esker hazi da sektorea: %19,72 egin dute gora. Hauek dira produktu gehien esportatu dituzten herrialdeak: AEBak (%10,6), Txina (%9,8), Alemania (%9,7), Italia (%8,5), Frantzia (% 5,8), India (%5,5), Turkia (%5,1), Mexiko (%4,3), Portugal (%3,9), eta Erresuma Batua (%2,9).

Azpisektoreka, ordea, badira aldeak. Hau da, enpresa batzuek besteek baino arazo gehiago dituzte oraindik ere. Esaterako, harroketa makineriarekin aritzen direnek %19,82 handitu dituzte salmentak, 670,27 milioi euroraino, eta pandemia aurreko datuak gainditu dituzte. Bereziki, fresaketa sektorearen datu onak azpimarratu ditu patronalak, nola teknologian hala merkatu kuotan liderra bilakatu baita.

Aldiz, deformazioan aritzen diren enpresen fakturazioa % 3,53 apaldu da, eskaera kopurua hobetu duten arren. Autogintza eta aeronautika guztiz lehengoratu ez izanak moteldu du susperraldia, Ortuetak adierazi duenez.

Ziurgabetasuna nazioartean
Mundu zabaleko merkatuetan zalantza eta ziurgabetasun handiak dira oraindik ere, eta, AFMk adierazi duene,z horrek susperraldian eragin dezake. Ukrainako krisi geopolitikoa, zenbait osagai falta eta energiaren eta garraio kostuen garestitzeak aipatu ditu horien artean. «Orain, jarduerari eta marjinei eutsi behar diegu, berrikuntzan eta digitalizazioan inbertitzen jarraitu ahal izateko, testuinguru nahasi eta inflazionista batean: hori da gure erronka nagusia», adierazi du Cesar Garbalena AFMko presidenteak.

Euskal Herriko eta Espainiako merkatuei dagokionez, aldiz, galdutakoaren zati bat berreskuratu badute ere, oraindik bere ahalmen osotik «urrun» daudela aitortu du patronalak. Hala ere, aurreikuspenei begira baikor azaldu da, eta uste du zenbait alorretan pandemia aurreko emaitzak ere hobetuko dituela. Ildo horretan, Jaurlaritzak makinak berritzeko abiatutako Renove plana txalotu du Garbalenak. «Konbentzituta gaude hori dela bidea».

Biurtekoaren zain
Barne merkatua suspertzeko itxaropen guztiak makina-erremintaren biurtekoan ditu jarriak sektoreak. Ekainaren 13tik 17ra egingo dute, Barakaldoko BECen (Bizkaia). 2020an ziren egitekoa, baina, pandemiaren ondorioz, atzeratzea erabaki zuten hasieran, eta bertan behera utzi behar izan zuten azkenean. Bada, aurten berreskuratuko dute. «BECeko eta AFMko talde bateratua lanean ari da BIEMH 2022 azoka industria berriz biltzeko gunea izan dadin», adierazi du Ortuetak. «Erakusleiho bikaina dugu salmentei bultzada emateko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

LABeko kideak, Sernaren atarian. ©LAB
Nafarroako UGTren 12. kongresua, 2021ean. ©Jesus Diges / EFE

UGTk irabazi ditu Nafarroako 2022ko hauteskunde sindikalak, ia %25eko ordezkaritza lortuta

Iñaut Matauko Rada

CCOO eta UGT dira hurrenak, %24 eta %23ko ordezka eskuratuta, hurrenez hurren. LAB %17tik gora geratu da.

Mondragon korporazioaren egoitza nagusia, Arrasaten. ©Mondragon Taldea

Mondragonen industria arloa %15 handitu zen iaz, Ulma eta Orona aintzat hartu gabe

Imanol Magro Eizmendi

Taldearen industria arloak 4.800 milioi euroko fakturazioa izan zuen, ekipamenduei eta makina-erremintari esker batez ere. «Egoera onean gaude», laburbildu du Uzinek.

LABen elkarretaratzea Donostian, lan ikuskaritzak salatutako tabernaren aurrean ©Gotzon Aranburu (Foku)

Ostalaritzako «lan esplotazioa» salatu du LABek

Berria

Sindikatuak elkarretaratze bat egingo du Donostian atxilotutako enpresaburuen jatetxe baten aurrean.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...