Albistea entzun

Neguko Olinpiar Jokoak

Eguraldiagatik 30 kilometroko proba izango da Rojo eta Salsamendirena, 08:00etan hasita

Rojoren esanetan, proba horixe da Jokoetarako finkatu duen helburu nagusia.

Imanol Rojo tolosarra, Pekingo Neguko Olinpiar Jokoetako proba batean.
Imanol Rojo tolosarra, Pekingo Neguko Olinpiar Jokoetako proba batean. JEON HEON-KYUN Tamaina handiagoan ikusi

Nagore Arin -

2022ko otsailak 19 08:18

Amaitzear dira Neguko 24. Olinpiar Jokoak. Otsailaren 4an hasi ziren, Pekinen, eta hilaren 20an amaituko dira, bi egun barru. Lehiarekin batera, azken txanpa betean dira Imanol Rojo eta Manex Salsamendi euskal kirolariak ere, eta gaur goizean jokatuko dute beren azken proba; azkena, eta ziurrenik haientzat garrantzitsuena: 50 kilometroko proba. Eguraldiagatik, ordea, azkenean 30 kilometroko proba bat izango da, eta ordubete beranduago hasiko da: 08:00etan –Pekinen 15:00ak izango dira–.

Gogotsu aritu dira biak gainerako probetan. Azkena eginiko estilo klasikoko 15 kilometroko proban, adibidez, 39. postuan sailkatu zen Rojo: 10. kilometrora arte onenengandik gertu ibili zen, baina gero behera egin zuen. Gustura bukatu zuen, hala ere. «Egindakoarekin oso pozik nago», adierazi zuen. Brasilgo selekzioarekin lehian ari den Salsamendi eskiatzaile nafarra, berriz, 90. postuan sailkatu zen. 50.35 minutuan amaitu zuen, eta irabazleak 12.40 minutu atera zizkion.

→ Ikusi gehiago: Imanol Rojo 39. izan da estilo klasikoko 15 kilometroko proban, eta Manex Salsamendi, 90.

Rojo, markagailuak hausten

Lehenbiziko saiotik eman zuen zeresana Rojo eskiatzaileak: tolosarra bizi-bizi aritu zen Pekingo Olinpiar Jokoetan egindako lehen saioan. 15x15 eskiatloia izan zuen gero, eta 21. postuan sailkatu zen. Gainera, bakarkako proba batean inoiz eginiko emaitzarik onena erdietsi zuen, eta Espainiako selekzioaren marka ere hautsi zuen. Orain, hirugarren eta azken proba gelditzen zaio, eta guztietan bereziena izango dela aurreratu du. «Hauxe da nire helburu nagusia», adierazi du, eta nabarmendu du aurreko Jokoetan lortutako 17. postu hori hobetzen saiatuko dela.

Salsamendi, lehen aldiz Jokoetan

Salsamendirentzat, berriz, lehen aldia da Olinpiar Jokoetan. Oso gutxi lehiatu da azken hilabeteetan, eta Jokoak behar bezala prestatzeko baliatu ditu azken hilabeteak. BERRIAk harekin hitz egiteko aukera izan zuen Jokoak hasi baino lehen, eta gogotsu eta itxaropentsu gerturatuko zela aurreratu zuen. Nabarmendu zuen ez zuela helburu finko eta anbiziotsurik, eta bere onena ematen saiatuko zela: «Niretzat garrantzitsuena zera izango da: lasterketak amaitzean dena eman dudala ikustea, eta nire esku zegoen guztia egin dudala sentitzea».

→ Ikusi gehiago: «Esperientzia handitzea izango da helburuetako bat»

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

Julen Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan

Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Gaurtik igandera jokatuko da ziklo-kroseko Munduko Txapelketa

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.