Albistea entzun

Koronabirusa

Gaurtik, asintomatikoek eta sintoma arinak dituztenek ez dute bakartu beharko Hegoaldean

COVID-19aren jarraipen estrategia eguneratu dute, eta zaurgarrien zaintza lehenetsiko da hemendik aurrera.

Jendea Donostiatik, artxiboko irudi batean
Jendea Donostiatik, artxiboko irudi batean Gorka Rubio/ Foku Tamaina handiagoan ikusi

Edurne Begiristain -

2022ko martxoak 28

Gaurtik aurrera beste koska bat malgutuko dira COVID-19aren aurkako kontrol neurriak Hego Euskal Herrian: positibo emandakoek ez dute bakartu beharko sintomarik ez badute edo sintoma arinak baldin badituzte. COVID-19aren kontrol eta zaintza estrategia moldatu zuten joan den astean Espainiako Osasun Ministerioak eta autonomia erkidegoetako ordezkariek, Osasun Publikoko Batzordean, eta gaurtik aurrera zaurgarri diren kolektiboen zaintza lehenetsiko da. Funtsean, COVID-19aren gripalizaziorako estrategia bat da abiatu dutena, eta aurrerantzean koronabirusaren jarraipena gripearen antzera egingo da. Hain justu, kontrol sistema ezartzeko jarraibideak Europan gaitzen kontrolaren ardura duen ECDC erakundearekin batera hitzartu dira, eta batera arituko dira herrialde guztiak.

Aldaketa nagusia positiboen bakartzean egingo da. Gaurtik, bakartu beharrik ez dute izango asintomatikoek eta sintoma arinak dituztenek. Positibo direnek eurek artaz ibili beharko dute, besteak beste, harremanak murriztuz, zaurgarrienen inguruan egotea saihestuz eta maskara une oro eta egokia jantziz, baina kalera atera ahalko dira. Positiboen kontaktu estuek ere ez dute berrogeialdirik egin beharko.

Oro har, bakartzeak kentzera egingo da gaurtik, salbuespen batzuekin: zentro soziosanitarioetan eta osasun zentroetan, beharrezkoa ikusten bada, bakartze neurriak ezarri ahal izango dituzte. Espainiako Osasun Ministerioak eta erkidegoek joan den astean erabaki zutenez, ospitaleetan COVID-19 kasuak ugariak ez diren heinean segitu ahal izango zaio jarraibide berriari. Erietxeetako oheen %5 baino gehiago ez dituzte bete beharko COVID-19 pazienteek. ZIUetako tokien kasuan, %10ean egongo da langa. Ohartarazi zutenez, egoera epidemiologikoaren arabera ere egin ahalko dira aldaketak.

Proba diagnostikoak ere ez dizkiete pertsona guztiei egingo, soil-soilik zaurgarriei: esaterako, adinekoei, immunoeskasia dutenei, haurdun daudenei eta gaixotasunen bat dutenei. Egoki ikusten denean, eremu sanitario eta soziosanitarioetan ere egingo dira testak. Baina, oro har, kasu larrienei begirakoa izango da hemendik aurrera COVID-19aren gaineko zaintzaren lehentasuna. Era horretan, pertsona zaurgarrienetan jarri nahi dute arreta eta zaintza, eta haiei bakarrik egingo diete jarraipen zorrotza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzak egindako ikerketaren zenbait pasarteren irudiak. ©BERRIA

Ertzaintzak lurralde antolaketaren aurkako delitua ikusi du Zaldibarren

Iñaki Petxarroman

Durangoko epaitegiari helarazitako ikerketa baten arabera, zegokion baino lur eremu zabalagoa erabili zuen Verter Recycling SM enpresak, Jaurlaritzaren eta Zaldibarko Udalaren baimenik gabe
 ©MARISOL RAMIREZ / FOKU

«Osatu dugu minbizia? Oraindik ez, baina asko laguntzen ari gara»

Irati Urdalleta Lete

Aparteko kezka sortzen duen gaitza da minbizia, eta hori ikertzen aritzen da Zubiaga. Gaixoen biziraupena hobetuko bada, hiru norabidetan lan egiteko beharra ikusten du: diagnostiko goiztiarra, terapia zuzenduak eta txertoak.
AHTaren aurka 2010ean eginiko manifestazioa, Hendaia eta Irun arteko zubian. ©BOB EDME

Trenbidearen berritzea, abiadura lortzeko

Garazi Aduriz Zuñeda

Bordeleko, Baionako eta Irungo auzapezek trena berritzearen aldeko deia egin zutenetik, AHTaren eztabaida pil-pilean da Ipar Euskal Herrian. AHTaren aldekoak zein trenbidea berritzearen aldekoak beren argudioak mahai gainean jartzen ari dira proiekturik eraginkorrenaren bila.
Zaldibarko zabortegia amildu ostean bertan egin zituzten bilatze eta egonkortze lanen irudi bat. ©JAVIER ZORRILLA / EFE

Zabor azpiko 124 igerilekuak

Imanol Magro Eizmendi

Verter Recyclingek eskaturiko txosten baten arabera, amildu zenean 300.000 metro kubo ur zeuden zabortegiaren barruan. Egileen ustez, baina, ez zuen eraginik izan hondamendian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.