Mexiko

Mexikon hemeretzi pertsona hil dira gutxienez oilar joko batean sortutako istiluetan

Tiroketa bat izan da. Hildakoez gain, beste hainbat lagun zauritu dira.

Michoacan estatuko irudi bat. EFE Tamaina handiagoan ikusi

2022ko martxoak 28 09:08

Legez kanpoko oilar borroka bat tiroketa bihurtu da Mexikon, eta gutxienez hemeretzi pertsona hil dira istiluen ondorioz. Atzo gauean jazo zen, Michoacan, Zinapecuaro herrian. Fiskaltzak jakinarazi duenez, armekin zihoazen zenbait lagun sartu ziren oilar borroka egiten ari ziren tokira, eta tiro egin zieten han zeudenei.

El Universal Mexikoko egunkariaren arabera, tiroketaren ondorioz hil dira guztiak; hamasei gizon eta hiru emakume dira hildakoak. Beste hainbat zauritu ere izan dira, osasun arta behar izan dutenak. Zer gertatu den ikertzen hasi dira.

Tiroketa entzuten den irudiak zabaldu dira sare sozialetan:

Así se escuchó la balacera cuando masacraban a 19 personas en Zinapécuaro Michoacán. pic.twitter.com/88YQZ47MTL
— El hombre teatro. (@hidrocaluroso) March 28, 2022

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna