Albistea entzun

Udan alokairuak eteteko iruzurra salatu du Aldak

Miarritzeko higiezin agentzia batek alokairua uzteko abisu aitzindatatua izenpearazi die alokatzaileei, udan libratu eta turistei alokatu ahal izateko

Alda mugimenduko kideak, gaur goizean, Miarritzen egin duten prentsaurrekoa
Alda mugimenduko kideak, gaur goizean, Miarritzen egin duten prentsaurrekoa Guillaume Fauveau Tamaina handiagoan ikusi

Ekhi Erremundegi Beloki -

2022ko martxoak 29

«Ineditua, guztiz onartezina eta larria»: horrela definitu du Alda auzoetako mugimenduak Homies Holidays agentziaren iruzurra. Alokatzaileei urte osoko kontratua eginik ere, etxebizitza udan libratzeko trikimailua erabili du agentziak, hartara turistei garestiago alokatu ahal izateko. Uxer batek egiaztatu du iruzurra, eta Frantziako Estatuko administrazioari eta Baionako MIG Merkataritza eta Industria Ganberari jakinarazi die Aldak, neurriak har ditzaten. Gisa bereko iruzurra pairatu duen oro elkartearekin harremanetan jartzera ere deitu dute.

2021eko urriaren 2an, Miarritzeko (Lapurdi) etxe partikular bat alokatzeko kontratua izenpetu zuten sei pertsonak. Urtebeteko kontratua, bi aldeetako batek eten ezean berez berritzen dena. Urte osorako bizitegi bat alokatzeko ohiko kontratua da: altzariak dituen etxe bat bada, urte bateko kontratua da, eta altzaririk gabekoa bada, hiru urtekoa. Alokatzaileak kontratua eten nahi badu, gutxienez hilabete lehenago bidali behar dio aitzin-abisua jabeari. Jabeak, berriz, hiru aukera ditu kontratua eteteko: etxea saldu nahi izatea, bera edo senide bat aterpetzea, edo obrak egitea.

Sei horien kontratua 2022ko urriaren 22an bukatu beharra zen; alta, etxe hori bera Airbnb plataforman alokagai ezarria da aurtengo ekainetik irailera. Nola izan liteke? Aldak esplikatu duenez, urte osoko kontratua onartzeko, beste dokumentu bat izenpetzeko eskatu zien alokatzaileei higiezin agentziak: bizitegia 2022ko ekainaren 1ean utziko zutela jakinarazteko aitzin-abisu aitzindatatua. Zehazki, 2022ko apirilaren 30eko data du dokumentuak.

Praktika hori osoki legez kanpokoa da, eta hala jakinarazi diote alokatzaileek etxe agentziari bidalitako gutunean. Halaber, Frantziako administrazioko egitura bati baino gehiagori jakinarazi dio iruzurra Aldak, eta Baionako MIGari eskatu dio higiezinen kudeaketarako baimena kentzeko Homies Holidays agentziari. Xebas Cristy Aldako kidearen hitzetan, penalki zigortuak izan daitezkeen arau hausteak dira aurkitu dituztenak.

«Biziki larria da. Erakusten du agentzia batzuk zernahi egiteko prest direla sosa egiteko etxebizitzarekin. Eta berdin zaie jendea kanporatzea lau hilabeterako. Gehiago dena, proposatzen diete urrian itzultzea; ez dute inolako lotsarik», salatu du Cristyk. Haren iritziz, jabeek eta agentziek duten «boterea» erakusten du. «Praktika horiek ilegalak direla jakinik ere, anitzentzat zaila da konfrontazioan sartzea, beldur baitira beste etxebizitza bat lortzeko zailtasunak izateko, merkatuan dagoen tentsioarekin. Nahiago dute ez salatu. Guk deitzen ditugu gurekin harremanetan jartzera, gure sostenguarekin beren etxebizitzetan egon daitezen».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©MONIKA DEL VALLE / FOKU

Santurtzin hilik topatutako adingabe baten heriotza ikertzen ari da Ertzaintza

Jon O. Urain

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
 ©Andoni Lubaki / Foku

Suak zerua ilundu zuenekoa

Edurne Elizondo - Nafarroako Hitza

Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...