Albistea entzun

Hezkuntza

Euskal Eskola Publikoaren jaia ospatuko dute ekainaren 5ean, Bastidan

Pandemiak eragindako bi urteko geldialdiaren ondoren, «hirugarrenean, saiakeran asmatu» dutela nabarmendu dute. 'Hazitik gora' da aurtengo leloa.

Euskal Eskola Publikoaren jaiaren aurkezpena egin dute gaur goizean, Gasteizko Arte Ederren museoan.
Euskal Eskola Publikoaren jaiaren aurkezpena egin dute gaur goizean, Gasteizko Arte Ederren museoan. Raul Bogajo/ Foku Tamaina handiagoan ikusi

Unai Etxenausia -

2022ko martxoak 30 13:33

Euskal Eskola Publikoaren jaiaren 29. aldia aurkeztu dute. Ekainaren 5ean ospatuko dute, Bastidan (Araba), Hazitik gora lelopean. Lurdes Imaz EHIGE Euskal Herriko Ikasleen Gurasoen Elkarteko koordinatzaileak esan du kostata baina «hirugarren saiakeran asmatu» eta antolatu ahal izan dutela jaialdia. Izan ere, 2019ko azaroan jaialdia aurkezteko prentsaurrekoa egin zuten Bastidako eskolan, eta jaialdia antolatzeko bi saiakera egin dituzte azken bi urteetan. «Arabako Errioxak merezi zuen Euskal Eskola Publikoaren festa handi bat», azaldu du Imazek. Jaialdiaren berri emateko prentsaurrekoa eskaini dute goizean, Gasteizko Arte Ederren Museoan.

Ohikoa den bezala, «festa eta aldarrikapena» batu nahi dituzte jaialdian. Era berean, ikastetxe publikoaren eguneroko lanari balioa emateaz gain, «beharrezkoak diren baliabideak» exijituko dizkiote instituzioei, ikasle guztiei «kalitatezko hezkuntza» eman ahal izateko.

Arabako Errioxako ikastetxe publikoei balioa eman nahi diete, «bizitzen ari diren transformazio prozesuak aitortuz eta gizarteratuz», azaldu du Imazek: «Gasteiztik urruti egon arren, eta Errioxarekin (Espainia) mugan, gainontzeko ikastetxe publikoak bezala, ezinbesteko elementuak dira herritar guztiei kalitatezko irakaskuntza euskalduna eskaintzeko». Are, ziurtatu du eskolen tamaina txikia «abantaila bat» dela bakoitzaren beharretara hobeto egokitzeko, eta sarean lan egiteko eta «elkarrengandik ikasteko».

Oraindik ez dute egitaraua itxi, eta Imazek esan du beste prentsaurreko bat egingo dutela horren berri emateko. Baina bai aurreratu du aurtengo jaiaren ekintzak ez direla bakarrik ekainaren 5era mugatuko; ekainaren 4rako ere egitarau berezi bat prestatzen ari dira, Arabako Errioxara joan nahi dutenentzat. Ekintza guztiak herriko hainbat gunetan antolatuko dituzte: eskolan, herriko plazan, frontoian…

Arabako Errioxako ikastetxe publikoak

Sei ikastetxe publiko daude Arabako Errioxan, eta guztira 1.170 ikasle eskolaratu dituzte ikasturte honetan. Ikastetxe guztietako guraso eta irakasleen ordezkariak parte hartzen ari dira jaiaren antolaketan. «Gure helburuetako bat da eskualdeko ikastetxe publikoen arteko harremana sendotzea, orain eta aurrerantzean elkarrekin lan egin ahal izateko», gaineratu du Imazek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Onkologikoko pazienteek kezka azaldu dute zentroak «erreferentziazko izaera» galdu duelako

Onkologikoko pazienteek kezka azaldu dute zentroak «erreferentziazko izaera» galdu duelako

Arantxa Iraola

Manifestazio baterako deia egin dute langileekin batera, hilaren 15erako; 'Onkologikoa monografikoa eta bizirik' aldarriak batuta irtengo dira dira kalera guztiak.

San Cristobal de las Casas herriko irudia, Chiapasen, Mexikon. ©Carlos López, EFE

Chiapasen desagertu diren bi euskal herritarrak aurkitzeko laguntza eskatu dute haien familiek

Uxue Rey Gorraiz

Gutxienez hilabete daramate desagerturik, Frantziako Enbaxadak jakinarazi duenez. Bat Donibane Lohizunekoa da; bestea, Ziburukoa.

Grebalari bat, gaur, foru jauregiaren aurreko protestan. ©Monika del Valle / Foku

Bizkaiko zahar etxeetako hiru greba egunen «balorazio positiboa» egin du ELAk

Maite Asensio Lozano

Lan itunaren negoziazioa desblokeatzeko eskatu dute langileek, Bizkaiko Foru Aldundiaren egoitza aurrean egindako protestan. Prest agertu dira greba gehiagora deitzeko.

Erdizko naturgune babestua, artixiboko irudia ©SUSTRAI ERAKUNTZAK

Nafarroako Gobernuari eskatu diote Erdizko meategi proiektua «foru intereseko inbertsio» deklaratzeko

Isabel Jaurena

Navarra Suma, PSN eta Geroa Bai agertu dira ebazpenaren alde, eta EH Bildu, Ahal Dugu eta Ezkerra aurka.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...