Albistea entzun

Oroimena

Txillardegi Liburutegia ekinbidea bertan behera uztea erabaki dute, «horma handi batekin topo» egin dutelako

Donostiako Liburutegi nagusiari idazlearen izena jartzeko eskatu nahi zuen taldeak. 17 idazlek abiaturiko ekinbideak 1.500 sinadura inguru bildu zituen. Alderdi eta erakundeekin hitz egin dute, baina emaitza «etsigarria» izan dela esan dute.

Txillardegiren X. urteurrenaren ekitaldiko irudi bat, urtarrilaren 15an, Donostian.
Txillardegiren X. urteurrenaren ekitaldiko irudi bat, urtarrilaren 15an, Donostian. Andoni Canellada / FOKU Tamaina handiagoan ikusi

Edu Lartzanguren -

2022ko apirilak 7

«Ekimena ahalik eta zabalen, aberatsen eta borondate onekoena izanagatik, horma handi batekin egin dugu topo». Horrela azaldu dute gertaturikoa Txillardegi Liburutegiaren izenean Aitzpea Leizaolak, Beñat Sarasolak, Dani Goñik, Garbiñe Ubedak, Harkaitz Canok eta Kepa Sarasolak, besteak beste BERRIAri bidalitako gutun batean. Ekinbidea desegitea erabaki dute, «frustrazioz», alderdiekin eta erakundeekin hitz egin ostean, emaitza etsigarria» izan delako.

Hemen irakur daiteke gutuna: Txillardegi Liburutegia dela eta.

2013an abiatu zen ekinbidea. Donostiako hainbat idazlek, Donostiako Viktoria Eugenia antzokian egindako agerraldi batean, proposamena egin zioten Donostiako Udalari: hiriko Liburutegi Nagusiari idazlearen izena jartzeko, Txillardegi Liburutegia.

Sinatzaileek adierazi dutenez, kontsentsua lortu nahi zuten. Horretarako, erakundeetako eta alderdietako ordezkariekin bildu dira. Baina ezinezkoa izan dela azaldu dute. «Soilik talde politiko bat (Bildu) egon da ekimena babesteko prest. Gainerako taldeek uko egin diote, eta horretarako arrazoi funtsezkoa bat eta bakarra izan da: Txillardegiren soslai politikoa».

Izan ere, ETAren sortzaileen artean egon zen Txillardegi frankismo bete-betean, eta 1967an utzi zuen.

Donostiako Udaleko talde politiko guztiekin, eta Eneko Goia alkatearekin bildu ostean, «ekimenak babes txikia eskuratu duela ikusita, berau azken burura ez eramatea eta ekimena formalki ez aurkeztea erabaki dugu. Ez da gure borondatea lehia politikoan jardutea, ezta gatazkak eszenifikatzea ere. Komeniko litzateke, hori bai, honen guztiaren inguruan bakoitzak norberari dagokion hausnarketa egitea».

Aurten hamar urte bete dira idazle, hizkuntzalari eta politikaria hil zela, eta eskaera berriz egitea erabaki zuten. Hori sostengatzeko, 1.500 sinadura bildu zituzten. Fito Rodriguez Txillardegi Udal Liburutegia Herri Ekimeneko kideak esan zuenez, Jose Luis Alvarez Enparantzari zor zaion errekonozimendua ematea «elkarbizitza herritar honetan irekita dagoen zauria, ia-ia zornatuta dagoena behar bezala orbaintzea» litzateke.

Txillardegik hizkuntzalaritzan egindako ekarpena gogoratu zuen Rodriguezek. «Euskara batuaren beharra identifikatu» izana nabarmendu zion: «Batzuek pentsatzen zuten euskara dialekto bat zela, eta beste batzuek, berriz, euskara ez zela hizkuntza bat, hizkuntza multzo bat baizik». Uste horiei kontra egin ziela azaldu zuen: «Esan zuen ezetz, bakarra zela eta batasuna behar zuela». «Euskararen ezagutzaren inguruko proposamena» garatu zuela ere nabarmendu zuen, baita hori «gizarteratzen» asmatu zuela ere.

Urteurrenaren harira, BERRIAk galdeketa egin zuen euskalgintzan eta kulturgintzan dabiltzan hainbat lagunen artean, eta bideo honetan bildu zuen galdekatuek esandakoa:

Gipuzkoako Urrezko Plakarik ez

Otsailean, atzera bota zuten Gipuzkoako Foru Aldundian, Txillardegiri herrialdeko Urrezko Plaka emateko EH Bilduk egin zuen proposamena.

Eskaera atzera bota zuten EAJ, PSE-EE, PP eta Elkarrekin Podemos-IU alderdiek. «Zatiketa» bilatu nahi izana leporatu dio EAJk koalizioari, eta esan dio aurrez ere bazekitela politikoki ez zutela adostasunik lortuko. Hala adierazi du Maria Eugenia Arrizabalaga Gipuzkoako Batzar Nagusietako EAJren bozeramaileak: «EAJk Txillardegiri ez dio ez ezin ikusirik, ez gorrotorik; ez daukagu hura baztertzeko grinarik, baina politikoki EH Bilduk badaki ez dela adostasunik egongo, eta, hala ere, izena plaza erdian jarri dute».

PSE-EE eta PP alderdiek «ETAren sortzaileetako bat izateagatik» egin zuten proposamenaren aurka.

Elkarrekin Podemos-IUk adierazi zuen proposamenak ez zituela «bakearen eta bizikidetzaren balioak ordezkatzen», eta horregatik ez zutela proposamena babestuko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kepa Altonaga, atzo, <em>Axularren gerizapean</em> liburuaren aurkezpenean. ©JON URBE / FOKU

Itzalekoak, argitara

Jone Bastida Alzuru

Axular Egunaren «misterioa» argitu nahi izan du Altonagak bere azken liburuan: 'Axularren gerizapean'. Itzalean geratutako idazleei buruzko datuak bildu ditu
Vincent Bestaven, Jurgi Ekiza, Xan Bidegain eta Felix Buff, Willis Drummondeko kideak. ©GUILLAUME FAUVEAU

«Ez dago itxaropena beste biderik»

Julen Korkostegi Elortza

Willis Drummond musika taldeak «garai askotako soinuaren konbinazio bat» bildu du 'Hala ere' disko berrian. Kontraesanen ideiak inguratzen du lana, izenburutik hasi eta azalean ageri den mandarinaraino.
<b>Txomin Urriza, Camille Dizabo, Annelise Arnaud-Cazamayou eta Alan Billi, Orbel taldeko kideak.</b> ©FANNY MAILLARD

Orbel, isiltasunari plaza eskainita

Ainize Madariaga

'Lur hezea' diskoa jalgi berri du taldeak. Hirugarren obra honetan, giro «mistiko» eta «berezia» landu dute taldekideek
Rafael Moneok bere ibilbidean ondutako arkitektura proiektuen marrazkiz eta planoz josia da Nafarroako Artxiboko erakusketa aretoa. ©JAGOBA MANTEROLA / FOKU

Rafael Moneo, garabirik gabe eraikitzea

Uxue Rey Gorraiz

‘Rafael Moneo Nafarroan’ erakusketa zabaldu dute Nafarroako Artxiboan. Arkitektoaren ibilbidearen atzera begirakoa egiten du bildumak, eta haren bizitza pertsonalari ere egiten dio so

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.