Albistea entzun

Gunetuz sortu dute, psikologo euskaldunen ataria

Psikologo euskaldunen topagune izan nahi du webguneak, baina beste hainbat baliabide ere eskainiko ditu; ikastaroak, informazioa eta eztabaida guneak, besteak beste.

Donostiako Koldo Mitxelena kulturgunean aurkeztu dute proiektua.
Donostiako Koldo Mitxelena kulturgunean aurkeztu dute proiektua. JON URBE/FOKU Tamaina handiagoan ikusi

Jone Arruabarrena -

2022ko apirilak 7

«Psikologo euskaldunek aspalditik amesten genuen proiektua sortu da». Horrela aurkeztu du Luixa Reizabal irakasle, ikertzaile eta UEUko psikologia sailburuak Gunetuz proiektua. «Psikologiarekin edo lotutako beste diziplinetan lanean diharduten profesional, ikasle zein erabiltzaileen bilgunea» izateko asmoa daukan webgune bat da Gunetuz; hori bai, euskara hutsean.

Gaur aurkeztu dute proiektua, Reizabalekin batera, Donostiako Koldo Mitxelena kulturgunean Kepa Sarasola UEUko zuzendariak, Eneko Mendiluze UEUko Psikologia sailburuak, Ana Novoa psikologoak eta Nour Hajem psikologia ikasleak. Eta eguna ere apropos aukeratu dute: Osasunaren Nazioarteko Egunean ezagutarazteko hautua egin dute, «hilabete luzez» proiektuan lanean ibili badira ere. «Euskaraz eta euskalduna izango da, euskara hutsean izango baita eta bertan euskaldunok hartuko dugulako parte», azaldu du Mendiluzek. Webguneak psikologo, aditu eta euskaldunentzat «erreferentziazko euskarria» izatea nahi dute antolatzaileek.

Novoak, berriz, webgunearen atalak aurkeztu ditu eta horietako bakoitzaren funtzioa zehaztu du; funtsean, sei ataletan banatu dute ataria. Foroa, batetik, «psikologo euskaldunen topagunea» izatea nahi dute, eta bi zatitan banatzen da: Hitz eta pitz eztabaidatzeko gunea, eta Elkar ikusten, ikastaroak eta formakuntza jasotzeko atala.

Psikologiari lotutako albisteek ere beste atal bat izango dute, eta psikologia euskararekin lotzen duten lan eskaintzetarako ere izango da lekua Eskaintzak atalean. Bestalde, baliabideak eta informazio gehigarria eskaintzen duten hiru atal izango ditu atariak: Psikologia, Baliabideak, eta Parekidetasuna. Azken horren garrantzia ere nabarmendu nahi izan dute antolatzaileek; azaldu dutenez, funtsezkotzat dute psikologian genero aldagaia txertatzea.

Ibilbide luzeko proiektua

Reizabalek azaldu duenez, aspalditik dator halako proiektu bat sortzeko beharra. Zehazki, 2019an UEUren Udako Ikastaroen barruan egin zen Psikologo euskaldunen III. Topaketa aipatu du; bertan agerian geratu zen «ezinbestekoa» zela psikologia zein euskararen arteko sarea osatzea: «premiazkotzat hartu genuen psikologia euskalduna egiten ari garenon lana bistaratu eta partekatzea; hauspotzea, azken batean. Zorionez, behar horiei guztiei erantzuteko tresna sortu da gaur». Hajemek ere webguneak ikasleentzat daukan garrantzia nabarmendu du: «Elkargune honi esker psikologo gisa asko ikasiko dugu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

IIIñigo Urrutia, Idurre Eskisabel eta Miren Dobaran, solasaldia hasi aurretik. ©ANDONI CANELLADA / FOKU

HIZKUNTZA IRIZPIDEEN LANTEGIAN

Arantxa Iraola

Justiziak epai kezkagarriak eman ditu euskararen jakintza ziurtatzeko hizkuntza eskakizunei buruz; Iñigo Urrutiak, Miren Dobaranek eta Idurre Eskisabelek gaiaren inguruan gogoetatu dute solasaldi batean, epai horien ondorioez, eta funtzio publikoa euskalduntzeko landu beharreko ildoez.
Bortxa matxistaren kontrako protesta, Iruñean. ©JAGOBA MANTEROLA / FOKU

Gizon batek urruntze agindua urratu eta familiari eraso egin dio

Arantxa Iraola

Emazte ohiarengana ez hurbiltzeko agindua zuen gizonak. Alaba bati labanaz eraso dio, eta beste bi seme-alabek ihes egitea lortu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.