Albistea entzun

Frantziako Asanblearako bozak

Frantziako ezkerra batera aurkezteko negoziazioak eten ditu Alderdi Sozialistak

Sozialistek ez dute baztertzen Frantzia Intsumisoarekin aurkeztea Frantziako Asanblea Nazionalerako bozetara, baina Jean-Luc Melenchonen alderdiari eskatzen dio «pluraltasuna» onartzea.

Frantzia Intsumisoa alderdiko Jean-Luc Melenchon presidentetzarako bozetarako lehenengo itzuliko ekitaldi batean.
Frantzia Intsumisoa alderdiko Jean-Luc Melenchon presidentetzarako bozetarako lehenengo itzuliko ekitaldi batean. MOHAMMED BADRA / EFE Tamaina handiagoan ikusi

Igor Susaeta-Edu Lartzanguren -

2022ko apirilak 29

Frantziako Asanblea Nazionalerako bozak egitekoak dira ekainaren 12an eta 19an, eta ezkerreko alderdiak haien artean hitz egiten ari dira horietarako balizko hautagaitza bateratu bat osatzeko. Baina solas horiek katramilatu egin dira. PS Frantziako Alderdi Sozialistak gaur goizean agiri baten bidez adierazi du bere egiten dituela Jean-Luc Melenchonen LFI Frantzia Intsumisoa alderdiaren programako puntu nagusiak. France Info Frantziako irrati publikoak eta BFMTV telebista kateak ordu batzuk geroago jakinarazi dutenez, ordea, sozialistek negoziazioak «eten» dituzte, argudiatuta Melenchon buru duen mugimenduak «logika hegemoniko oro» hautsi behar duela, eta «pluraltasuna» onartu behar duela. «Une honetan ez dugu bermerik», adierazi du Olivier Faure sozialisten idazkari nagusiak, bi hedabide horien arabera.

Presidentetzarako bozetan Melenchonena izan zen hirugarren indar bozkatuena, botoen %22 eskuratuz. Politikariak Frantziako ezkerraren lidergoa hartu du, eta ez du ezkutatzen parlamenturako hauteskundeen ondoren lehen ministro izatea gustatuko zitzaionik. Beraz, hautagaitza bat bateratzeko, aldebiko elkarrizketak sustatu ditu EELV Europa Ekologia-Berdeekin, sozialistekin eta PCF Frantziako Alderdi Komunistarekin. Horren harira, Julien Bayou EELVren idazkari nagusia baikor mintzatu da France 2 telebista katean, eta iruditzen zaio «laster» lortuko dutela akordio bat LFIrekin.

Ezkerreko lau alderdi horien artean gehien bozkatuen artean bigarrena EELV izan zen (%4,6), hirugarrena PCF (%2,2), eta laugarrena PS (%1,75). Sozialistek inoiz izandako emaitzarik txarrena izan zen, eta PS erakundeetatik desagertzeko zorian legoke.

Etena gorabehera, PSk nabarmendu du bere egin dituela Frantzia Intsumisoa alderdiaren programako puntu nagusiak. Horien artean daude gutxieneko soldata 1.400 euro garbira igotzea, erretretako adina 60 urtera jaistea, plangintza ekologikoa azkartzea, VI. Errepublika deklaratzea, eta Europako Batasuneko «hainbat arau» aintzat hartzea.

Melenchonek baldintza bat jarri zion PSFri negoziazioetan sartzeko: programako puntu nagusiak onartzea. Sinbolo gisa, Maiatzaren Leheneko ekitaldietarako eduki nahi dute akordioa prest, hau da, iganderako. Baina oraindik ez dago ezer sinatuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. ©CRISTOBAL HERRERA-ULAXKEVITX, EFE

FBIk sekretupeko dokumentuak eraman ditu Trumpen Mar-a-Lago etxetik

Gorka Berasategi Otamendi

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

Sabinasko meategiko erreskate lanak, abuztuaren 12ko irudi batean. ©MEXIKOKO BABESGO ZIBILA

Mexikon, hamar meatzari erreskatatzeko lanak eten behar izan dituzte

Mikel P. Ansa

Ekaitz bat dela medio, bertan behera utzi behar izan dituzte erreskate lanak. Coahuilako estatuko meategi batean istripu bat gertatu zen abuztuaren 3an, eta ura sartu zen barrura. Hamar meatzari daude harrapatuta, eta, ura ponpatu ostean, atzo hasi zuten erreskatea. Iaz beste zazpi hil ziren, antzeko moduan, estatu bereko beste meategi batean.

Hainbat emakume Kabulen, artxiboko argazkian. ©STRINGER / EFE

Talibanek airera tiro eginez sakabanatu dute emakume talde bat Kabulen

Berria

Urte bat beteko da astelehenean talibanak gobernura iritsi zirenetik Afganistanen, eta hainbat emakumek martxa bat egin dute hiriburuan.

Bi emakume Irango banderaren aurretik igarotzen, abuztu hasieran, Teheranen. ©ABEDIN TAHERKENAREH / EFE

Itun nuklearraz EBk proposaturikoa onargarritzat jo du Teheranek

Arantxa Elizegi Egilegor

Egitasmoaren arabera, Iranek IAEAren «kezkak» argitu beharko lituzke, eta, trukean, itxi egingo lukete haren programa nuklearrari buruzko ikerketa. Azken eskaintza dela ohartarazi dute AEBek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.