Albistea entzun

Pilota

Altuna eta Ezkurdiaren arteko partida bertan behera utzi dute

Jokin Altunaren eskuak ez dira sendatu, eta epaileek garailetzat jo dute Joseba Ezkurdia, 22-0 emaitzarekin.

Jokin Altuna binakako txapelketako finalean.
Jokin Altuna binakako txapelketako finalean. Javier Zorrilla / EFE Tamaina handiagoan ikusi

Edu Lartzanguren -

2022ko apirilak 29 19:05

Eskuzko Pilota Enpresen Ligako epaileak bertan behera utzi du Jokin Altunak eta Joseba Ezkurdiak igandean Eibarren (Gipuzkoa) jokatu behar zuten partida, Altunak adierazi baitu ez dagoela jokatzeko moduan, eskuetan mina duela eta ez dela sendatu.

Borja Oses Garcia epaileak argudiatu duenez, esku huskako txapelketako araudiek ez dute aukerarik ematen partidak atzeratzeko. Horrez gain, azaldu du arautegiak zehazten duela pilotari batek ezin duenean jokatu final-laurdenetako hiru partidetatik bat partida hori galdutzat emango diotela, eta haren aurkariari garaipena, 22-0 emaitzarekin.

Beraz, hori da sailkapenerako geratuko den emaitza, eta epaileak gaineratu du ezin dela helegiterik jarri erabakiaren kontra.

«Tendoiaren parean dut bereziki puztuta eskua, eta min handia ematen dit. Airez jotzean han pausatzen dut pilota, eta, beraz, ezin dut horrela jokatu. Aurkariari eta ikusleei errespetua izan behar diet, eta, jokatuz gero, ez nituzke ezta hamar tanto ere egingo, eta, gainera, lesioak okerrera egingo luke», azaldu du Altuna III.ak.

Partida latza jokatu zuen Altunak joan zen igandean, Darioren aurka. 13-19 galtzen ari zen, baina amezketarrak buelta eman zion partidari, eta 22-19 irabazi zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nerea Nevado baloiarekin, atzo, Levanteren aurka. ©Athletic

Denboraldiko lehen porrota Athleticentzat

Berria

Levantek kontrolatu du neurketa, eta Redondoren eta Mayra Rodriguezen golei esker lortu ditu hiru puntuak. 

Nerea Arruti, garaipena ospatzen. ©Idoia Zabaleta / FOKU

Nerea Arrutik eta Andoni Iruretagoienak irabazi dute Euskal Pentatloia

Edu Lartzanguren

Iruretagoiena bigarren urtez nagusitu da. Iazko irabazle Karmele Gisasola bigarren geratu da.

 ©UNAI ZABALETA

«Eibarrekin Lehen Mailara igotzea baino ez daukat buruan»

Iñaki Berastegi

Etxean bikain abiatu du sasoia Eibarrek, baina etxetik kanpo, nahi eta ezin. Arbillaren ustez, partida guztiak irabazteko «gosea» izan behar du taldeak igoeragatik borrokatzeko.
Evenepoel, bakarrik helmugaratzen. ©DEAN LEWINS / EFE

Evenepoelek irabazi du Munduko Txapelketa, modu ikusgarrian

Berria

25 kilometroz bera bakarrik aritu da ihes eginda. 2018an ere irabazi zuen lasterketa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...