Euskal Herria Zuzenean jaialdiak osatu du bere 26. aldiko programazioa. Gaur iragarri du musika festibalean izango dira hainbat bakarlariren eta talderen izenak: Delirium Tremens, Vulk, Odei, Merina Gris, Bulego eta Joseba Tapia.
Aurretik jakinarazi zutenez, festibalean Niko Etxart eta Hapa Hapa, Fizt & Furiuz, Ibil Bedi, Ezpalak, Calling Marian, Amorante eta Gaitistaneko Orkestra ere izango dira. Antolatzaileek iragarri dute, bestalde, Kokoko! taldeak ez duela azkenean EHZn parte hartuko.
Sarrerak aurrez erosi ahal dira dagoeneko. Maiatzaren 25era arte, 45 euroren truke eskuratu ahalko dira tiketak, festibalaren webgunean. Jaialdian bertan, 55 euroko prezioa izango dute bonuek.
Aauzolanean egiten den ekitaldia den aldetik, laguntzaile gisa parte hartzeko aukera dagoela gogorarazi dute.antolatzaileek. Hain zuzen ere, 400 laguntzaile behar dituztela adierazi dute.
#EHZ2022 UZTAILAK 1·2·3 | IRISARRI
— EHZ Festibala (@ehzfestibala) May 4, 2022
Hainbat lur mundu bakarrean!
🤜 400 laguntzaile behar ditugu, EHZ posible egiteko. Izan zaitezte auzolan eder honen parte ➡︠https://t.co/TPX7R1T77w
🎟︠Hiru eguneko sartzeak 45€tan salgai maiatzaren 25a arte ➡︠https://t.co/RaQ0MopPW1pic.twitter.com/KW2MiCdixK
