Albistea entzun

Polizia jazarpena

Galder Barbadok salatu du Guardia Zibilak kolaborazio eskaerak egin dizkiola

Azken aste eta hilabeteotan jazarpena jasan duela ohartarazi du Amurrioko gazteak. Sorturen arabera, «profil ezberdinetako» bertze lau lagunek gutienez ere jasan dute jazarpena: publikoki salatzeko deia egin diete.

Haimar Altuna Sortuko kidea, Galder Barbado gaztea eta Ainize Gastaka Martinez abokatua, gaur, Sorturen Donostiako egoitzan.
Haimar Altuna Sortuko kidea, Galder Barbado gaztea eta Ainize Gastaka Martinez abokatua, gaur, Sorturen Donostiako egoitzan. Maialen Andres / FOKU Tamaina handiagoan ikusi

Maddi Ane Txoperena Iribarren -

2022ko maiatzak 20 13:42

«Joan den hilabetean, kotxean gindoazela, lau lagun gelditu gintuen Guardia Zibilak, errepideko kontrol batean. Hasieran normala izan zen kontrola, baina denbora pasatu ahala gaiztotuz joan zen». Hala kontatu du gaur Galder Barbado Amurrioko (Araba) gazteak Donostian Sorturekin batera egindako agerraldi batean. «Ordu eta erdi baino gehiago eman genuen kontrolean, mendira begira, eskuak kanpoan, sakabanatuta eta euripean». Azaldu duenez, hortik ordu erdira «kamuflatutako bi kotxe» agertu ziren zeuden lekura, «ia denek aurpegia estalirik». Horietako batek aurpegia begi-bistan zeukan, eta Harley gisa aurkeztu zuen bere burua: kolaboratzeko eskaera egin zion Barbadori: «Banan-banan pista baten sarrerara eraman gintuen galdeketa egiteko, eta bertan jaso nuen lehen kolaborazio eskaintza. Nire egoera zein zen bazekiela, ezagutzen ninduela, eta bazekiela zein izan den nire rola gazte mugimenduan». Gauzak kontatzen bazizkion epaiketarekin lagunduko ziola erran zion, eta Bilbon kafe bat hartzera gonbidatu zuen.

Ez da edonolakoa eskaintza, Espainiako Auzitegi Nazionalak lau urteko espetxe zigor bat jarria baitio Barbadori lehergaiak egiteko materiala edukitzea leporatuta. Gazteak ez zuen eskaera onartu, ordea. Eta jazarpenak segitu egin zuen: «Esan zidan lasai egoteko, bazekiela non bizi nintzen eta non topatu ahal ninduen, eta bi asteren buruan nirekin kontaktatuko zuela». Hala egin zuen. Gazteak salatu du, hain zuzen, duela bi aste telefono deiak jaso zituela zenbaki batetik: «'Harley naiz, zer moduz zaude?'». Deia moztu eta SMS bat bidali zion, berriro ere elkartzeko eskatuta, «inolako konpromisorik gabe».

Azken jazarpen kasua astelehenean pairatu zuela salatu du: autoa hartu zuela etxera joateko, eta pertsona bat atzetik segika joan zitzaiola. «Polizia zela ikusi nuenean, kotxetik jaitsi eta berarengana joan nintzen, herritik alde egiteko eta bakean uzteko eskatuz. Berak barre egin zuen, eta geldirik geratu zen denbora luzez, ni joan nintzen arte». Azken egunotan haren lagun batek ere jaso ditu deiak bi telefono zenbakitatik, Barbadoz galdezka: «Nor ziren galdetuta, 'hara, nahastu izango gara' esaten zioten».

Sortuko Haimar Altunak salatu du Barbadorena ez dela kasu bakarra: «profil eta herrialde ezberdinetako» hainbat pertsonak jasan dute Poliziaren jazarpena azken asteotan, gaitzetsi duenez, eta azaldu du batzuek anonimotasuna mantendu nahi badute ere, horietako batzuek salaketa ezarria dutela. Ainize Gastaka Martinez Barbadoren abokatuak erran du halako kasuetan dauden aurrekariak ez direla «oso positiboak»: «Eraginkorrena publikotasuna da». Altunak ere halako kasuak publikoki salatzera animatu ditu herritarrak: «Dei egiten diegu ez daitezela kikildu, gertatutakoak salatu eta publiko egitea baita modu eraginkor bakarra praktika horiek guztiak amaitzeko». Espainiako Gobernuari, berriz, eskatu dio errespeta ditzala «eskubide zibil eta politiko guztiak» eta «demokratizazioari» hel diezaiola, «faxismoari eta eskuin muturrari hauspoa ematen dieten jarduerak alboratuz eta bere izaera plurinazionala onartu eta nazio gatazkei konponbidea emanez».

«Ezinegona»

Barbadok kontatu du «ezinegona» sortzen diola egoerak: «Hori da beraien helburua, nire militantzia baldintzatzea, eta nire inguruko jendearena». Salatu du ez dela Euskal Herrian halako zerbait gertatzen den lehen aldia: «Kezka sortzen du, baina ez gaitu harritzen».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Larramendi, gaztetako irudi batean. ©Berria

Iñaki Larramendi hil da, ETAren sortzaileetako bat

Julen Aperribai

Ekinen sorreran ibili zen, Bilbon, Txillardegi, Albisu, Gantzarain, Benito del Valle eta beste zenbaitekin batera. EGIrekin erabat hautsi, eta ETAren eratze batzarra egin zuten 1958an, Deban.

Erraldoiak San Fermin Txiki jaien txupinazoan, iragan ostiralean. ©Iñigo Uriz / FOKU

Iruñeko Udalak laguntza kendu dio Alde Zaharreko jai batzordeari

Berria

San Fermin Txiki jaietan egindako euskal presoen eskubideen aldeko ekitaldi bat erabili du argudio moduan. Jai batzordeak, hortaz, itzuli egin beharko du jasotako dirua. 5.791 euroko laguntza esleitu zion udalak.

Ezkerretik, Ana Viñals eta Eneritz Madariaga. ©Monika del Valle / Foku

Eneritz Madariaga, Ahal Dugu-ren primarioetara Bizkaiko ahaldungai nagusi izateko

Gotzon Hermosilla

Ana Viñalsek ere hautagaitza aurkeztuko du Bilboko alkategai izateko

Joan den martxoan egin zuten desanexioari buruzko herri galdeketa Usansolon. ©ARITZ LOIOLA / FOKU

Usansolo desanexioa gauzatzeko azken txanpan dago

Gotzon Hermosilla

Usansolo desanexioa gauzatzeko azken txanpan dago; Bizkaiko Batzar Nagusietan auziaz egin beharreko bozketaren zain, herritarrak «ilusioz» daudela azaldu dute Usansolo Herria plataformako bozeramaileek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.