Albistea entzun

Garraioa

CAFek tren arinak egingo ditu Bonnerako, eta autobus elektrikoak Madrilerako

22LRV tren arin egingo ditu Alemaniarako, eta 60 autobus elektriko Espainiako hiribururako. Bi kontratuak 110 milioi eurokoak dira.

Bonn hirirako egingo dituen LRV tren arin bat.
Bonn hirirako egingo dituen LRV tren arin bat. BERRIA Tamaina handiagoan ikusi

Aitor Biain -

2022ko maiatzak 23 15:08

CAF taldeak kontratu bat sinatu du Alemaniako Bonn hiriko eta inguruetako garraio zerbitzua eskaintzen duten operadoreekin LRV motako trenak egin eta ibilgailuen piezak hornitzeko. Guztira, 22 LRV (Light Rail Transit) tren arin egingo ditu, baina etorkizunean beste hamar ere egiteko aukera jasotzen du akordioak.

Stadtwerke Bonn Verkehrs GmbH (SWBV) eta Elektrische Bahnen der Stadt Bonn und des Rhein-Sieg-Kreises GmbH (SSB) enpresek kudeatzen dute Bonn hiriko tren garraioa, eta zerbitzua eskaintzen dute hiria Koloniarekin lotzen duten linea batzuetan ere. Baina trenen maiztasuna eta bidaiari kopurua handitu egingo direla eta, LRV motako ibilgailu gehiago erosiko dizkio CAFi.

Metroaren eta tranbiaren arteko nahasketa bat da LRV trena: trenak tranbia itxura du, baina haiek baino gaitasun handiagoa dauka, eta azkarrago mugitzen da. Alemaniarako egingo dituztenak zoru altukoak eta bi noranzkoetakoak izango dira, martxan dauden ibilgailuen antzekoak.

Ez da Beasaingo konpainiak azkenaldian Alemaniako Ipar Renania-Westfalia estatuan lortu duen kontratu bakarra. Antzeko beste bat irabazi zuen iazko ekainean, Essen eta Muelheim an der Ruhr hirietan zerbitzua eskainiko duten 51 LRV tren egiteko. Antzeko ibilgailuak dira guztiak ere, eta, CAFen iritziz, horrek agerian uzten du ibilgailu mota horren arrakasta.

Autobusak Madrilerako

Beste kontratua Espainiako hiriburuan irabazi du CAFek: 60 autobus elektriko egingo ditu Madrilgo EMTudalgarraio enpresarentzat. Solarisen Urbino 12 motako autobusak dira; hamabi metro luze dira, eta 80 bidaiarirentzako tokia dute.

Iaz ere egin zuten akordioa bi aldeek, gas naturala erabiltzen duten beste 250 autobus egiteko. Hori dela eta, eskari berriak baieztatu egiten du ibilgailuak berritzeko EMT enpresak Solarisengan jarritako konfiantza, CAFen ustez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Nord Streamen gas isuri nagusia eten egin da Baltikoan; bigarrena ez

Xabier Martin

Suediak dio ihes handiaren arrastorik ez dela ikusten itsasazalean. Europako gas eskaerak %10 egingo du behera 2022. urtean, IAEren arabera.

Lan istripu bat salatzeko protesta, Garesen. ©IDOIA ZABALETA / FOKU

Alloko Essityn lanean ari zen behargin bat hil da

Xabier Martin

Irailaren 22an Nafarroako paper lantegi horretan lanean ari zela bihotzekoak jota erietxera eramandako behargina da zendu dena.

Greba egun baten berri ematen duen afixa, Donostia Ospitaleko sarrera nagusian. ©Jon Urbe / FOKU

ELAk greba giroa zabalduko du sektore publikoan, KPIaren igoera bermatzeko

Imanol Magro Eizmendi

Kontaktuak hasi ditu beste sindikatuekin, baina LABek nabarmendu oraindik ez duela bat egin eta publikoki kritikatu du ELAk alde bakartasunez eman izana greba asmoen berri.

LABek Bilboko egoitzan antolatutako prentsaurrekoa, gaur goizean ©Oskar Matxin Edesa / FOKU

LABek ostalaritzako hitzarmena nahi du Glovoko langileentzat

Olatz Silva Rodrigo

EAEko Fiskaltzaren aurrean salatu du Glovo, langileen eskubideen kontrako delitu larri eta jarraituagatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...