Albistea entzun

Langile publikoak

LABen arabera, «egiturazko milaka lanpostu» geratu dira egonkortze deialdietatik kanpo

Sindikatuak auzitara jotzeko aukera aztertuko du. Jaurlaritzaren «utzikeria eta aldebakartasuna» salatu du.

Lan deialdi publiko batera aurkeztutako hautagai batzuk, azterketa egiten.
Lan deialdi publiko batera aurkeztutako hautagai batzuk, azterketa egiten. Marisol Ramirez (Foku) Tamaina handiagoan ikusi

Jokin Sagarzazu -

2022ko maiatzak 27 17:27

Administrazioko behin-behinekotasun tasa jaisteko Eusko Jaurlaritzak iragarri dituen lan eskaintza publikoak kritikatu ditu LABek. Uste du ez dituela eskaini egiturazkoak diren «milaka lanpostu». Komunikabideei bidalitako ohar batean, Jaurlaritzaren jarrera salatu du, ez duelako sindikatuekin negoziatu nahi izan atera beharko liratekeen postuen zerrenda, eta ez dielako eman nahi izan behin-behinean dauden postu guztien berri. «Lanpostuen zerrendetan agertzen ez diren egiturazko milaka lanpostu deialdi horietatik kanpo geratuko dira», ohartarazi du.

Osakidetza jarri du adibide gisa. Sindikatuaren arabera, gaur egun 29.000 langile inguruko egiturazko lantaldea onartua du Jaurlaritzak, baina gaur egun 16.000 langile inguru dira plaza baten jabe. Hori hala, 13.000 egiturazko lanpostu daude behin-behineko langileekin, eta Jaurlaritzak 3.700 postu baino ez ditu atera lan deialdi publiko berezian. Hezkuntzan egoera «antzekoa» dela dio sindikatuak. Ikastetxeetako egiturazko lanpostuak zehaztu, eta horiek egonkortzeko borrokan ari direla azpimarratu du.

Jaurlaritzak urtea amaitu baino lehen aurkeztu beharko ditu oposizioetako oinarriak, eta horri buruzko kezka ere adierazi du, ez baitu agertu mahai sektorialetako ordezkariekin adosteko borondaterik. «Negoziazio hauetan helburu argi bat dugu; urte luzez iruzurrean lanean aritu diren langile guztiak beren lanpostuetan finkatzea. Horretara bideratuko ditugu gure indar guztiak», azpimarratu du LABek.

Jaurlaritzaren «utzikeria eta aldebakartasuna» ikusita, sindikatuak ohartarazi du ez duela baztertzen auzitara jotzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

UGT sindikatuaren mobilizazio bat Bilbon, joan den apirilean. ©UGT

Langile bat hil da Zornotzan, pala bat gainean erorita

Julen Otaegi Leonet

13:00 aldera jazo da ezbeharra, Zornotzako Aludium lantegian (Bizkaia). UGTk elkarretaratzera deitu du uztailaren 6rako.

Metalgintzako grebalariek Bilbon eginiko manifestazioko lau partaide. ©Miguel Toña / EFE

Bizkaiko metalgintzak ez du baztertzen grebekin jarraitzea udazkenean

Imanol Magro Eizmendi

Hirugarren greba eguna aurrekoak baino arrakastatsuagoa izan da, sindikatuen arabera. FVEMek, aldiz, %24ra murriztu du haren jarraipena

Mercedeseko langileek bi pankarta eraman zituzten manifestazioan. ©JAIZKI FONTANEDA / FOKU

Gasteizko Mercedesen hirugarrenez eten dute ekoizpena ekain honetan

Aitor Biain

Sindikatu guztiek elkarrekin egin dute grebarako deialdia bigarrenez, eta erantzun handia izan du. Negoziazioei berrekiteko eskatu diote zuzendaritzari. Jaurlaritzak uste du egoera kezkagarria dela

Ogasunek nekez berreskuratzen duten zorra

Ogasunek nekez berreskuratzen duten zorra

Iker Aranburu

Zordun handiek 1.170 milioi euro zor dizkiete ogasunei, iazkoaren pare. Handienak porrot egindako enpresak dira, eta ez dute ordaintzen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...