Albistea entzun

Hezkuntza

«Pribatizazioa» eta «euskarafobia» ardatz dituzten legeen aurka bideratuko du geroa Steilasek

Kongresua egin dute Iruñean, ponentzia «berritzeko»; sindikatuaren Nazio Batzorde Iraunkorreko ordezkariak hautatu dituzte bertan

«Pribatizazioa» eta «euskarafobia» ardatz dituzten legeen aurka bideratuko du geroa Steilasek
«Pribatizazioa» eta «euskarafobia» ardatz dituzten legeen aurka bideratuko du geroa Steilasek Tamaina handiagoan ikusi

Arantxa Iraola -

2022ko maiatzak 28 15:18

Noranzko bakarra, publikoa leloarekin egin dute kongresua Steilas sindikatuko ordezkariek, atzotik, Iruñean. Hamabigarren kongresua dute; orain dela lau urte ondutako ponentziako lan ildoak jaso eta «berritu» dituzte. «Ikasturte osoan zehar prozesu parte hartzaile bat abian jarri eta afiliatuen ekarpenak jaso ditugu», azaldu dute, eta gaur bukatu dute prozesua, azken zuzenketak eztabaidatu ostean. Argi utzi dute, oro har, beren jardunaren ardatz nagusiak izango direla «pribatizazioa» eta «euskarafobia» sustatzera doazen legeen aurka.

«Erronka handiak ditugu aurrean, Nafarroako eta Euskal Autonomia Erkidegoko gobernuek politika pribatizatzaileak garatzen jarraitzen dute. Baina Steilasek beti bezala Euskal Eskola Publikoaren alde borrokatzen jarraituko du», azaldu dute: «Hori delako guztiona eta guztiontzat den bakarra, baita gizarte kohesioa eta aukera berdintasuna berma dezakeen bakarra ere». Defendatzen duten hezkuntza ereduaren ezaugarriak ere gogora ekarri dituzte: «Publikoa, inklusiboa, feminista, euskalduna, ekosoziala eta kalitatezkoa».

Era berean, negoziazio kolektiborako irizpideak ere zehaztu dituzte. «Eta gure lan sindikalaren ildo estrategikoak definitu ditugu, sektorez sektore». Datozen lau urteetan sindikatuaren Nazioa Batzorde Iraunkorra osatuko duten kideak ere hautatu dituzte kongresuan. Jone Gibelalde, Peio Salazar, Nagore Landa, Joakin Akarregi, Nagore Iturrioz, Ariane Alberdi, Diana Bruño eta Raul Lopez dira kideak.

150 pertsona elkartu dira kongresuan. Afiliatuez gain, beste hainbat erakundetatik joandako 25 gonbidatu izan dituzte. Euskal Herriko eragileak ez ezik, Herrialde Katalanetakoak, Aragoitik eta Saharatik heldutakoak izan dira. Haiekin duten «elkarlana» goraipatu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bilboko elkarretaratzea, gaur iluntzean; dozenaka lagun bildu dira. ©Marisol Ramirez / Foku

«Nekropolitikari» egotzi diote sarraskia Euskal Herriko protestetan

Maite Asensio Lozano

Melillako biktimen senideei elkartasuna helarazi diete, dozena bat tokitan egindako mobilizazioetan.

Irungo alarde parekidea, atzo. ©JON URBE / FOKU
COVID-19aren aurkako Moderna txertoa ©Idoia Zabaleta /Foku

Omikronaren aldaera berrietara egokitutako txertoek immunitatea handitu dezaketela adierazi dute

Edurne Begiristain

Koronabirus kasuen gorakada dela-eta, toki itxietan maskara janzteko gomendioa eman du Carolina Darias Espainiako Osasun ministroak.

Donostiako Udaltzaingoaren auto bat. ©JON URBE / FOKU

Donostiara bidalitako udaltzain berri ia guztiak erdaldun elebakarrak dira, LABek salatu duenez

Julen Aperribai

Sindikatuak udalari eskatu dio bere lan poltsa osatu dezala, udaltzainek bete beharreko hizkuntza eskakizunak aintzat hartuta. Egoera bera urtero errepikatzen dela ohartarazi du, baina urtetik urtera gehiago direla euskaraz ez dakiten udaltzainak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...