Balentria egin du Ampo Ordiziak: ligako finalerako sailkatu da, El Salvador liga erregularreko txapeldunaren zelaian irabazita (27-30). Hamar urte geroago itzuliko dira finalera gipuzkoarrak. Datorren igandean jokatuko dute, Santboianaren zelaian. Ordiziak liga irabazten duen lehen aldia litzateke.
FINALEAAAAN GAUDEEEEEE!! BAIIIIII!!! @Chami_Rugby 27-30 Ampo Ordizia
— AMPO ORDIZIA (@ORDIZIARUGBY) May 29, 2022
IKARAGARRIA DA HAUU! pic.twitter.com/5w4ors5idq
Gaur, neurketaren zati handienean atzetik izan dira ordiziarrak, eta markagailua irauli behar izan dute. Atsedenaldian 20-13 irabazten ari zen Valladolideko taldea. Neurketaren amaieran ere aldeari eusten zioten (27-23), baina, Andell Loubserrek amaieran lortutako entseguari esker, Iñigo Marotiasek prestatutako taldea izango da finalean.
🖤 Gaur iñoiz baino ozenago. Final bat dugu aurretik. Zurekin, zuregatik eta zuretzako! pic.twitter.com/13v9bhnBm3
— AMPO ORDIZIA (@ORDIZIARUGBY) May 29, 2022
Ikusi gehiago:Iñaki Puyadena: «Nire ibilbidea biribiltzea litzateke liga irabaztea»