Astelehenean Garesen (Nafarroa) istripu larria izan zuen langilea hil egin da. 58 urte zituen, eta herriaren erdiguneko eraikin baten berritzen lanetan zebilen; aldamiotik erori eta larri zauritu zen. Ostegunean hil zen.
LAB sindikaturen zenbaketaren arabera, Euskal Herrian lan istripuan hildako 31. behargina da; horietatik zazpi altueretatik erorita hil dira.
Sindikatuak salatu duenez, aldamioak ez zituen beharrezko segurtasun neurriak betetzen. LABen arabera, «benetako neurriak hartzen ez diren bitartean odol isuria ez da etengo». «Behin eta berriz jarri dugu mahai gainean istripu hauek saihesgarriak direla, honen atzean ematen diren drama pertsonal eta sozialak ekidin daitezkeela prebentziorako neurriak beteko balira». Hala, Nafarroako Gobernuari «beharrezko baliabideak» jartzeko eskatu dio, eta patronalari lan osasunerako neurriak betetzeko.
CCOOk ere salatu du gertakaria, eta administrazioei eskatu die kontrol neurriak indartzeko. «Istripu guztiak saihestu daitezke, eta enpresen beharra da hori betetzea, eta administrazioena hori exijitzea».
