Albistea entzun

Pentsioak

EH Bilduk ziurtatu du kotizazio gabeko pentsioen akordioa onartuko dela

PSOEk atzera egiteko asmoa duela zabaldu dute Espainiako zenbait egunkarik, baina Aizpuruak esan du gobernuaren hitza duela.

Mertxe Aizpurua EH Bilduko bozermailea, astearte honetan Madrilen egindako agerraldian
Mertxe Aizpurua EH Bilduko bozermailea, astearte honetan Madrilen egindako agerraldian Mariscal (Efe) Tamaina handiagoan ikusi

Jokin Sagarzazu -

2022ko ekainak 7 13:10

Mertxe Aizpurua EH Bilduk Espainiako Kongresuan duen bozeramaileak ziurtatu du Sanchezen gobernuak berak baieztatu egin diola neurria onartu egingo dela eta, gainera, aurreko astean iragarritako krisiaren aurkako planean sartuko dela, adostu zuten moduan. Hala, gezurtatu egin du Vocento taldeko egunkariek asteartean argitaratutako informazioa.

EH Bilduk Jose Luis Escriva Gizarte Segurantzako ministroarekin negoziatu zuen kotizaziorik gabeko pentsioak %15 igotzea, eta, horren truke, EH Bildu abstenitu egin zen enpresetako pentsio planen legearen irizpenaren bozketan, aurreko ostiralean.

Baina, Vocento taldeak gaur argitaratu duenez, akordio hori zalantzan jarri dute alderdi sozialistako kide batzuek. Presidentziako iturriak aipatuz, egunkari horiek diote neurria ez dela jasoko Pedro Sanchezek aurreko astean iragarri zuen planean, zeinak, besteak beste, erregaien 20 zentimoko beherapena eta argindarraren BEZaren jaitsieraren luzapena jasotzen duen. Dena den, iturri horiek ez dute baztertzen beste era batera aurrera ateratzea. Horri buruz galdetuta, Aizpuruak esan du «arrazoirik ez» dagoela adostu moduan ez egiteko. «Gaur hitz egin dugu gobernuarekin, eta baieztatu digute ez dagoela inolako aldaketarik, eta akordioa bere horretan mantentzen dela», ziurtatu du asteartean Madrilen egindako prentsaurreko batean.

Joan den ostiralean adostutakoak Hego Euskal Herriko ia 16.000 pentsiori eragingo lieke; batez beste, 420 eurokoak dira pentsio horiek, eta inoizko igoerarik handiena izango lukete.

Zuzenketen zuzenketa

Oso gorabeheratsua izan zen aurreko ostiraleko bozketa, eta zalaparta handia eragin du Espainiako Gobernuan. Enpresetako pentsio planen legearen tramitazioan, PSOEko kideek Unidas Podemosekoen zuzenketa batzuk onartu zituzten, akats baten ondorioz. Besteak beste, soldatarik handienen kotizazioei gehienezko muga kentzea babestu zuten sozialistek, eta beste zuzenketa bat enpresariak behartzeko enpresa pentsio planetan egindako ekarpenengatik kotizatzera. Hain justu, PSOEk kontrakoa adostu zuen Ciudadanosekin, eta alderdi horren babesa, PPrena eta Voxen abstentzioa ziurtatuta zeuzkan. Bozketa berriz egiteko eskatu zuen PSOEk, baina ez zen posible izan. Oker hori zuzentzeko, boto partikular bat aurkeztu du, eta ostegunean bozkatuko dira hori eta gainerako zuzenketak parlamentuan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mondragon korporazioaren, Laboral Kutxaren eta Ikerlanen egoitzak, Arrasaten. ©MONDRAGON

Ulma eta Orona, Arrasatetik urrutiratzen

Aitor Biain

Mondragonetik atera, eta korporazioarekin harreman eredu berri bat izateko proposamena egin dute Ulmak eta Oronak. Ereduen talkak eragin du bide propioa abiatu nahi izatea. Abenduaren 16an erabakiko dute bazkideek.

Koordinazio batzordearen bileraren hasiera, atzo, Iruñean, Nafarroako Jauregian. ©IÑIGO URIZ / FOKU

Madrilek eta Iruñeak 431 milioiko ekarpen garbia itundu dute 2020rako

Joxerra Senar

Metodologia zehaztuta, Nafarroak lehen bi urteetan gehiago pagatu zuenez, estatuak 138 milioi euro itzuliko dizkio. Aurtengo ekarpenari dagokionez, doikuntzak eginda «aldekoa» izatea espero dute

Liberiako petroliontzi bat Gdanskeko portuan, artxiboko irudi batean. ©ADAM WARZAWA / EFE
Tubacexeko langileen protesta, 2021eko otsailaren 23an, Laudioko lantegiaren aurrean. ©LAB

Espetxe zigorrak eskatu dituzte Tubacexeko hiru grebalariren aurka

Berria

Iazko otsailaren 23an atxilotu zituen Ertzaintzak, enpresaren atarian. Isunak ere eskatzen dituzte haien aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...