Albistea entzun

Gerra Ukrainan

Ukrainari EBn sartzeko hautagai estatusa «azkar» emateko eskatu dute Macronek, Scholzek eta Draghik

Ukrainako Defentsa ministroaren esanetan, Mendebaldeak aurki bidaliko dion arma sorta Errusiak okupatutako lurraldeak «berreskuratzeko» baliatuko dute; besteak beste, Krimea

Scholz (Alemania), Macron (Frantzia), Zelenski (Ukraina), Draghi (Italia) eta Iohannis (Errumania), gaur, Kieven.
Scholz (Alemania), Macron (Frantzia), Zelenski (Ukraina), Draghi (Italia) eta Iohannis (Errumania), gaur, Kieven. LUDOVIC MARIN / EFE Tamaina handiagoan ikusi

Mikel O. Iribar -

2022ko ekainak 16

Ukrainan izan dira gaur Emmanuel Macron Frantziako presidentea, Olaf Scholz Alemaniako kantzilerra eta Mario Draghi Italiako lehen ministroa; hots, EB Europako Batasuneko hiru ekonomia handienetako agintariak. Klaus Iohannis Errumaniako presidentearekin batera Ukrainako presidente Volodimir Zelenskirekin batzartu dira, Kieven, eta laurek, beren babesa adierazteaz gain, Ukrainari EBn sartzeko hautagai estatusa «berehala» emateko eskatu dute. Zelenskik, beraz, gerra hasieratik hark nahi zuen mezua entzun berri du.

«Europa zuekin dago, eta zuekin jarraituko du behar den arte, garaipena lortu arte», esan du Macronek. «Ukraina Europako familiako kide da, baita Moldavia ere», erantsi du Scholzek. «Ukrainako herriak egunero babesten ditu demokraziaren balioak eta Europako proiektua, gure proiektua. Ezin dugu prozesua gehiago atzeratu», biribildu du Draghik. Nabarmendu du, halaber, Italiak gatazka amaitzea nahi duela. «Baina edozein irtenbide diplomatiko ezin da Kieven borondatetik bereizi», zehaztu du.

Zelenskirekin bildu aurretik, Irpin (Kiev oblasta) hiria bisitatu dute Frantziako, Italiako, Alemaniako eta Errumaniako agintariek; 290 zibilen gorpuak topatu zituzten hiriko kaleetan, «Errusiako tropak martxo amaieran erretiratu ostean». Guztiz suntsitutako eraikinen artean, talde komunitarioko kide diren lau herrialdeetako agintariek Errusiako armadak egindako «gerra krimenak» gaitzetsi dituzte.

«Ukrainak eutsi egin behar dio honi guztiari», esan du Macronek. «Mundua zuen alde dago», jarraitu du Draghik, eta hitzeman du EB arduratuko dela «gerra krimenak» ikertzeaz eta Errusiako tropek txikitu duten guztia berreraikitzeaz. «Irpin, Butxaren gisan [zibilen beste hainbat gorpu aurkitu zituzten], Errusiako erasoaren krudelkeria imajinaezinaren sinbolo bihurtu da. Gerra honek berehala amaitu behar du», gehitu du Scholzek.

Ukrainaren kontraerasoa

Ukrainako Defentsa ministro Oleksei Reznikovek AEBetako CNN telebista katean ziurtatu duenez, Mendebaldeak aurki Ukrainari emango dion arma sorta Errusiak okupatutako lurraldeak «berreskuratzeko» baliatuko dute; besteak beste, 2014an Errusiak anexionatu zuen Krimea penintsula. «Krimea helburu estrategikoa da Ukrainarentzat; Ukrainako lurraldea delako. Baina urratsez urrats joango gara aurrera».

Horrez gain, Ukrainako Defentsa ministroak azaldu duenez, Ukrainako kontraerasoa hiru etapatan banatuko dute: lehenengoan, fronteko gerra egonkortzea izango dute helburu; bigarrenean, Errusiako armada otsailaren 24a baino lehenagoko posizioetara itzultzeko lanean ariko dira, Vladimir Putin Errusiako presidenteak «gerra deklaratu» zuen arte; eta hirugarren eta azken etapan, Errusiak okupatutako lurraldeak «askatzeko» modua jorratuko dute.

Kievi erantzunez, Kremlineko eledun Dimitri Peskovek lasaitasun mezua igorri du, esanez Krimeako segurtasuna «bermatuta» dagoela, Interfax Errusiako berri agentziak jasotakoaren arabera. «Ez da lehen aldia. Badakigu mehatxu horiek zeintzuk diren, eta kontuan hartzen ditugu», adierazi du Peskovek.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAGOBA MANTEROLA / FOKU

«Gerra apartekoa da antolaketa sozial bat ezartzeko»

Igor Susaeta

Gerra erregimenaren eskema gobernatzeko eredu gisa aplikatzeak eragiten dituen egoerez eta ondorioez ohartarazi du Sanchez Cedillok 'Esta gerra no termina en Ucrania' liburuan.
NATOk berretsi du «behar beste denboraz» lagunduko diola Ukrainari

NATOk berretsi du «behar beste denboraz» lagunduko diola Ukrainari

Mikel O. Iribar - Igor Susaeta

Aliantzaren helburuetako bat da Putinek «irabazten ez duela bermatzea». G7ko herrialdeek adostu dute Ukrainako gerra krimenen ikerketak koordinatzeko sare bat egitea
Jiang Zemin, 2007ko argazki batean. / ©MICHAEL REYNOLDS, EFE

Jiang Zemin hil da, 1993tik 2003ra Txinako presidente izandakoa

Jon Ordoñez Garmendia - Maddi Iztueta Olano

Tiananmen plazako protesten ostean hartu zuen kargua, eta Alderdi Komunistan merkatu ekonomia sozialista kontzeptua txertatu zuen.

Raisi Irango presidentea eta Al-Sudani Irakeko lehen ministroa, atzo. ©EFE

Irakek ez du utziko «Irakeko lurraldetik» Irani eraso diezaioten

Ander Perez Zala

Bi herrialdeetako agintariak elkartu egin dira kurduez eta eskualdeko segurtasunaz aritzeko. Harremanak «hobetzea» adostu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.