Albistea entzun

INGURUMENA

Ozonoak Bilboko airea kutsatu duela salatu du Ekologistak Martxan-ek

Salatu dute agintariek ez dietela arriskuaz ohartarazi herritarrei. Ozonoa automobilek eta industria mota batzuek igortzen dituzten partikulekin elkartzean gertatzen den erreakzio batek eragin du kutsadura, beroaren ondorioz.

Bilboko trafikoaren argazki bat.
Bilboko trafikoaren argazki bat. MARISOL RAMIREZ/FOKU Tamaina handiagoan ikusi

Jone Arruabarrena -

2022ko ekainak 17 15:38

Bilboko eta inguruetako airea atzo ozono «txarrez» kutsatu dela iragarri du Ekologistak Martxan taldeak. Azken egunetako bero boladak eragin du kutsadura; autoek eta industriak igortzen dituzten substantziak ozono mailak bereiztea eragin du hiriaren kanpoaldean, eta, elkarteak adierazi duenez, Bilbo, Barakaldo eta inguru horretako kostako eremuetako aire kalitateari eragin diote. Osasunari kalte nabarmenak eragiten dizkio halako kutsadurak, baina agintariek ez dute arriskuaz jakinarazi.

Azaldu dute erreakzio horrek ozonoa kaltegarri bihurtzen duela: «Ozono troposferikoa, ozono txarra izenez ere ezaguna, estratosferarenarekin kontrajarrita, nitrogeno dioxidoaren eta automobilek eta industria batzuek igorritako hidrokarburoen arteko erreakzioak sortzen du, eta bigarren mailako kutsatzailea da, eguzki erradiazioa dagoenean».

Hain zuzen, erreakzio hori gertatu zen atzo arratsaldean Bilbo inguruetan: «Ozonoaren informazio atalasea gainditu zen: aire metro kubiko bakoitzeko 180 mikrogramo ozono da ezarritako muga, ordubetean neurtua. Bi orduz jarraian gainditu zen kopuru hori kutsadura kontrolatzeko Arraizeko estazioan». Zehazki, adierazi dute 15:00 eta 16:00 artean 182 mikrogramo neurtu zirela, eta hurrengo ordubetean, 181 mikrogramo.

Arriskuak osasunarentzat

Kutsatuta dagoen aire hori arnasteak narritadura eragiten du begietan eta goiko arnasbideetan, eta biriken funtzioa ere murrizten du. Horrez gain, elkarteak azaldu du arnasbideetako gaixotasunak zein patologia kardiobaskularrak larriagotzea ere eragiten duela.

Arrisku horiek direla medio, agintariak derrigortuta daude atalasea gainditzen denean edo hori gertatuko dela aurreikusten denean herritarrei abisua ematera, batez ere herritar zaurgarrienei; haurrei, adinekoei, haurdun dauden emakumeei edo arnas aparatuko arazoak zein gaixotasun kardiobaskularrak dituztenei. Hala ere, elkarteak salatu du Eusko Jaurlaritzak eta Bilboko Udalak ez dutela halakorik egin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joseba Segura Bilboko apezpiku izendatzeko elizkizuna, 2019ean. ©Miguel Toña/ Efe

Bilboko Elizbarrutia hamalau apaiz ikertzen ari da sexu abusuengatik

Edurne Begiristain

Joseba Segura Bilboko gotzainak baieztatu du elizbarrutian sortutako ikerketa batzordeak hamalau apaiz identifikatu dituela abusuen ustezko egile gisa. Gainera, erabateko sinesgarritasuna eman die biktimen lekukotzei.

Migrante batzuk, Irungo Harrera Sarekoen azalpenak entzuten, atzo, herriko plazan. ©JAGOBA MANTEROLA / FOKU

Zeharkaldirako sareak eraikiz

Jone Arruabarrena

Egunero heltzen dira etorkinak Irunera, Lapurdiko muga igarotzeko asmoz. Irungo Harrera Sareko kideek han egiten diete ongi etorria, eta bidaia ahalik eta modu seguruenean egiteko informazioa eskaintzen diete. Aurten, bi gazte hil dira muga Bidasoa ibaitik gurutzatu nahian.
Suteak Akitanian

Ireki dute Biriatuko muga ibilgailu mota guztientzat

Jone Arruabarrena - Oihana Teyseyre Koskarat

Gauean zehar muga igaro ahal izan dute, baina 07:00etatik aurrera berriz itxi diete, Gironda departamenduan piztutako suteagatik. 7.400 hektareatik gora kiskali ditu suak han, eta 10.000 pertsona ebakuatu behar izan dituzte.

Txartelak balioztatzeko makinak Bilboko Metroan ©Marisol Ramirez / Foku

Bilboko Metroak iragarri du deskontuak aplikatuko dituela garraio publikoa sustatzeko

Berria

Bizkaiko Garraio Partzuergoaren erabakiaren zain dago, teknikoki nola egin erabakitzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...