Kantabriako hondartza batean Bilboko gizonezko bat hil da, itota, 61 urtekoa. Bainua hartzen ari zen Sonabiako hondartzan, Liendon, beste pertsona batekin, eta arazoak izan dituzte. 10:30 aldera gertatu da. Surflari batzuk atera dituzte uretatik. Larrialdi zerbitzuak berehala hurbildu dira, baina lehorrera eraman dutenerako konortea galduta zegoen hil den gizona, eta hondartzan hura bere onera ekartzeko egin dituzten ahaleginak antzuak izan dira.
Larrialdi zerbitzuek helikoptero bat, suhiltzaileak eta Guardia Zibila bidali dituzte hondartzara.
