Albistea entzun

Espainia

PPk gehiengo osoa lortu du Andaluziako bozetan

PSOEk inoizko emaitzarik txarrenak lortu ditu, ezkerreko alderdiek banaketa ordaindu dute, ultraeskuinak ez du lortu gobernurako ezinbestekoa izatea, eta Ciudadanos parlamenturik at geratu da.

Juan Manuel Moreno PPko hautagaia, garaipena ospatzen, bart, Sevillan
Juan Manuel Moreno PPko hautagaia, garaipena ospatzen, bart, Sevillan José Manuel Vidal / EFE Tamaina handiagoan ikusi

Edu Lartzanguren -

2022ko ekainak 19 10:05

Erabateko garaipena, eta gobernatzeko gehiengo osoa. Horra PPk Andaluziako hauteskundeetan lortu duena. 58 eserleku lortu ditu Juan Manuel Moreno presidentearen alderdiak, PSOEk baino 28 gehiago.

Paisaia hau utzi dute bozek: eskualdean historikoki nagusi izan den PSOEk inoizko emaitzarik txarrenak lortu ditu. PPk ia 670.000 boto gehiago eskuratu ditu, eta sozialistek hiru eserleku galdu dituzte, eta 30 diputaturekin geratu dira.

Ikusmin handia zegoen eskuin muturreko VOX alderdiaren inguruan, espero zelako emaitzak asko hobetzea eta ezinbestekoak izatea PPrentzat gobernatzeko. Azkenean, ez da halakorik gertatu. PPren emaitza onek eraginda, bi eserleku baino ez dituzte irabazi, eta hamalau diputatu izango dituzte.

Ezkerreko alderdiak elkarrekin aurkeztu ziren 2018ko bozetara, baina banatu egin dira oraingoan, eta garesti ordaindu dute: orduan hamazazpi eserleku lortu bazituzten ere, horietako hamar galdu dituzte atzoko bozetan. Por Andalucia koalizioak (IU, Podemos, Mas Pais...) bost eserleku lortu ditu, eta parlamentuko talde propioa, beraz. Adelante Andaluciak, berriz bi eserleku eskuratu ditu.

Eguneko beste albistea Ciudadanosek eman du, ez duelako lortu parlamentuan sartzeko behar adina botorik. Ondorioz, azken legegintzaldian Andaluziako presidenteorde izan den Juan Marinek dimisioa aurkeztu du.

PPk herrialde guztietan irabazi du, tartean PSOEren ohiko gotorlekuetan, eta 100.000 biztanletik gorako hiri orotan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. ©CRISTOBAL HERRERA-ULAXKEVITX, EFE

FBIk sekretupeko dokumentuak eraman ditu Trumpen Mar-a-Lago etxetik

Gorka Berasategi Otamendi

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

Sabinasko meategiko erreskate lanak, abuztuaren 12ko irudi batean. ©MEXIKOKO BABESGO ZIBILA

Mexikon, hamar meatzari erreskatatzeko lanak eten behar izan dituzte

Mikel P. Ansa

Ekaitz bat dela medio, bertan behera utzi behar izan dituzte erreskate lanak. Coahuilako estatuko meategi batean istripu bat gertatu zen abuztuaren 3an, eta ura sartu zen barrura. Hamar meatzari daude harrapatuta, eta, ura ponpatu ostean, atzo hasi zuten erreskatea. Iaz beste zazpi hil ziren, antzeko moduan, estatu bereko beste meategi batean.

Hainbat emakume Kabulen, artxiboko argazkian. ©STRINGER / EFE

Talibanek airera tiro eginez sakabanatu dute emakume talde bat Kabulen

Berria

Urte bat beteko da astelehenean talibanak gobernura iritsi zirenetik Afganistanen, eta hainbat emakumek martxa bat egin dute hiriburuan.

Bi emakume Irango banderaren aurretik igarotzen, abuztu hasieran, Teheranen. ©ABEDIN TAHERKENAREH / EFE

Itun nuklearraz EBk proposaturikoa onargarritzat jo du Teheranek

Arantxa Elizegi Egilegor

Egitasmoaren arabera, Iranek IAEAren «kezkak» argitu beharko lituzke, eta, trukean, itxi egingo lukete haren programa nuklearrari buruzko ikerketa. Azken eskaintza dela ohartarazi dute AEBek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...