Albistea entzun
Emakumeen aurkako indarkeriari ez
Emakumeen aurkako indarkeriari ez

Frantziako lehen ministroak dimisioa eman du

Dimisioa eman du Elisabeth Borne Frantziako lehen ministroak. Emmanuel Macron Frantziako presidenteak, baina, ez du eskaera onartu. Gobernuak «lanean eta jardunean» jarraitu behar duela esan du.

Elisabeth Borne, duela bi egun, Frantziako Asanblearako bozen harira eginiko agerraldi batean.
Elisabeth Borne, duela bi egun, Frantziako Asanblearako bozen harira eginiko agerraldi batean. LUDOVIC MARIN / POOL Tamaina handiagoan ikusi

Nagore Arin -

2022ko ekainak 21

Azken orduak gorabeheratsuak izan dira Elisabeth Borne Frantziako lehen ministroarentzat. Dimisio eskaerei aurre egin behar izan die Frantziako Asanblearako bozetan Emmanuel Macronen ENS aliantza gehiengo osotik urrun gelditu ondotik. Azkenean, egunotako eskaera horietako batzuei kasu egin, eta dimisioa eman du. Macron presidenteak, baina, ez du onartu Borneren dimisioa, eta, beraz, jardun horretan jarraitu beharko du oraindik.

Gobernuak «lanean eta jardunean» jarraitzeko beharra ikusi duelako hartu du erabaki hori Frantziako presidenteak. Horretarako, oposizioarekin batzartzeko eta «kontsulta beharrezkoak» egiteko prest dagoela adierazi du, eta «irtenbide konstruktiboak» aurkitzeko lan egin behar dutela.

Herrialdeko ohituren arabera, lehen ministroak dimisioa aurkeztu ohi du hauteskunde legegileen biharamunean, nahiz eta hauteskundeak presidentearen alderdiak irabazi. Kasu honetan, baina, ez dago argi zergatik uko egin dion Elisabeth Borne lehen ministroak kargu horretan jarraitzeari. Hain justu ere, horri buruz mintzatzeko eta aurrera begirakoak zehazteko bilduko da gaur arratsaldean gainerako gobernukideekin.

Galdera asko airean

Igandean egin zen Frantziako Asanblearako bozen bigarren itzulia, eta erantzun argiak baino galdera gehiago mahaigaineratu ziren. Porrot itxurako garaipena lortu zuen Macron presidenteak, eta behe ganberan gehiengo osoa galtzeak erabat irauli zion bigarren agintaldiaren hasiera; iragan legealdian oposiziorik gabe aritu zen, baina datorrenean oposizioari aurre egin beharko dio. Adostasunerako beharraren garaian sartu da Frantziako politika; edo, Elisabeth Borne lehen ministroak argudiatu zuenez, «inoiz ikusi gabeko» testuinguru batean, «arrisku bat sortuko» duen egoera batean.

Ikusi gehiago: Macronen aliantza gehiengo osotik urrun geratu da

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Guardia Zibila Espainia eta Marokoren arteko muga zaintzen, martxoan hainbat migratzailek hesia igarotzeko ahalegina egin ostean, Melillan. ©MIGUEL OSES / EFE

Espainiaren eskua heriotzetan

Mikel O. Iribar

Bi ikerketaren arabera, Espainiako Gobernuak ere erantzukizuna izan zuen Melillako hesian gertaturikoan. GKEek eta oposizioak atakan jarri dute Grande-Marlaska; asteazkenean azalpenak emango ditu berriz ere.
SDFen jarraitzaileak, joan den igandean, martxa batean, Qamishlin (Rojava). ©EFE

Turkiarekiko jarrera «gogortzeko» eskatu diete SDFek aliatuei

A. Perez Zala

Kurduak gehiengo diren koalizio militarraren komandanteak esan du Estatu Islamikoa erasoak prestatzen ari dela Ankarak lurreko operazio militarra agintzen duenerako
Pakistango Lahore hirian atzo egin zuten manifestazio bateko irudi bat. ©RAHAT DAR / EFE

NBEk dirua eskatu du emakumeen eskubideen aldeko taldeentzat

Ander Perez Zala

Guterresek esan du gobernuek %50 handitu behar dutela mugimenduentzako funtsa 2026rako. Emakumeen eta nesken kontrako indarkeria giza eskubideen urraketa «nagusitzat» jo du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.