Albistea entzun

Ikurrak

Nafarroako bandera erraldoi bat jarri dute Iruñean, Foruen plazan

Ohore guztiz jantzi nahi izan dute ekitaldia, Iruñeko alkate Enrique Maia eta Nafarroako presidenteorde Javier Remirez han zirela.

Bandera altxatzeko ekitaldia, gaur, Iruñean.
Bandera altxatzeko ekitaldia, gaur, Iruñean. Jesús Diges / EFE Tamaina handiagoan ikusi

Berria -

2022ko ekainak 23 13:08

Ikusgarria da gaur Iruñeko Foruen plazan jarri duten Nafarroako bandera; zortzi metro luze, hamabi metro zabal. 30 metro luze da masta. Ohore handiz jarri dute, La Pamplonesa bandaren musikarekin, eta Iruñeko alkate Enrique Maia eta Nafarroako presidenteorde Javier Remirez han zirela. Txalo artean eta Nafarroaren aldeko oihuekin amaitu da ekitaldia.

Nahi beste aldiz altxatzeko nahiz astintzeko korda motordun bat ere badu banderak, eta ikurra egiten eta jartzen 100.000 euro gastatu dituzte. Hain zuzen ere, mastari eta banderari lotutako fabrikazio, garraio eta instalazio gastuak 75.000 euro inguru izan dira, eta zimendatze lanen gastuak gehitu behar zaizkie gero. Maiatzerako hasiak ziren lan horiek, eta gaurtik ikusteko eran dago bandera handia.

Kritikak jaso ditu egitasmoak, eta, gaur, esaterako, haur eskoletako langileak han inguruan protestan ari ziren, eta ikurraren aurkako mezuak adierazi dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ahurretan sartu ezinezko 48 ordu

AHURRETAN SARTU EZINEZKO 48 ORDU

Maddi Ane Txoperena Iribarren

Uztailean beteko dira 25 urte ETAk Miguel Angel Blanco Ermuko PPko zinegotzia bahitu eta hil zuela. 'Euskal' zen ororen aurkako olde bat ekarri zuen atentatuaren aurkako erreakzioak, BERRIAk elkartu dituen orduko hiru kazetariek oroitu dutenez. Abertzaletasunak batuta erantzun zion.

 ©BERRIA

Presoak eztabaidagai

Iosu Alberdi

1990eko hamarkadako tentsio gune nagusietako bat izan zen espetxe politika. Presio egiteko «fronte» propio bat ireki zuen ETAk, eta sakabanaketa amaitzeko exijitu zuen Eusko Legebiltzarrak.

Ernaiko 500 kide baino gehiago elkartu ziren Olatzagutiako kiroldegian (Nafarroa). ©ENDIKA PORTILLO / FOKU

Ernaik «gazte estrategia» berritu du, 'Ehotzen' txostena onartuta

Julen Aperribai

«Gazte frontea» eratzea, hezkuntza eta naziogintza lehentasun izango ditu gazte antolakundeak

 ©ZIPI / EFE

Itzalak argiztatzeko

Iosu Alberdi

Madrilek konpromisoa azaldu du Sekretu Ofizialen Legea eta CNIren kontrolerako legea aldatzeko. Oraingoz, baina, EAJk bakarrik aurkeztu ditu proposamenak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...