Albistea entzun

Gerra Ukrainan

Ukrainako tropak Sievierodonetsketik erretiratuko dira, Kieven arabera

Errusiari Sievierodonetsk guztiz hartzea falta zaio Luhansk probintzia oso-osorik kontrolpean edukitzeko

Ukrainako soldaduak, Sievierodonetsk hiritik gertu, Donbass eskualdeko Luhansk probintzian.
Ukrainako soldaduak, Sievierodonetsk hiritik gertu, Donbass eskualdeko Luhansk probintzian. OLEKSANDR RATUSHNIAK / EFE Tamaina handiagoan ikusi

Mikel O. Iribar -

2022ko ekainak 24 13:05

Ukrainako agintariek Sievierodonetsk hiritik (Luhansk oblasta) erretiratzeko agindu diete gaur euren tropei. Donbass eskualdean dagoen hiri hori gudu zelai bilakatu da azken asteotan; izan ere, Errusiari Sievierodonetsk guztiz hartzea falta zaio Luhansk probintzia oso-osorik kontrolpean edukitzeko. Bada, itxura guztien arabera, Errusiako armadak hiria erabat okupatuko du aurki.

«Tamalez, Ukrainako tropak Sievierodonetsketik erretiratu beharko ditugu. Gure defendatzaileek jasoa dute agindua», idatzi du Serhiy Haidai Luhanskeko Eskualde Administrazioko buruak Telegram kontuan. Horrez gain, Errusiako soldaduek hiria «ia suntsitu» dutela zehaztu du. «Azpiegituren %90 txikituta daude».

Hiriko Azot lantegi kimikoan gotortuta dauden bostehun bat zibilen inguruan —Kievek emandako datua—, berriz, ez dute xehetasunik eman. Hori bai, Nazio Batuen Erakundeak salatu izan du Azoten dauden herritarrak «oso larri» daudela: «Janaririk eta urik gabe geratzen ari dira».

Kieven arabera, Errusiako soldaduak Lisitxanskera doaz orain, hegoaldetik, Zolote eta Toxkivka herrietatik barrena. Halaber, Moskuk Mikolaivka herria kontrolpean hartu dutela baieztatu du Luhanskeko gobernadoreak, Reuters agentziak jasotakoaren arabera.

Errusiak oldarraldiekin jarraitzen du Ukraina ekialdeko Donetsk eta Luhansk eskualdeen erabateko kontrola lortzeko, eta, gisa horretara, lehorreko korridore bat osatzeko Donbasstik Krimeara —2014an Errusiarekin bat egin zuen—. Kievek salatu duenez, Ukrainak Itsaso Beltzaren ipar-mendebaldean dituen nabigazio ibilbideak «blokeatzeko» asmoa du Kremlinek.

Moskuren kontrolpean dagoen Kherson hirian (hegoaldea), bestalde, Kremlinek salatu du bere aldeko funtzionario bat hil dela «atentatu batean, bonba-auto bat lehertu ostean», Interfax Errusiako berri agentziak jakinarazi duenez.

Arma gehiago Ukrainari

AEBek 425 milioi euroren armaz hornituko dute Ukraina: hamahirugarren laguntza militarra da Errusiak otsailaren 24an Ukrainan erasoaldia hasi zuenetik. Etxe Zuriaren arabera, arma sorta horretan, besteak beste, HIMARS misilak jaurtitzeko sistema gehiago daude, baita dozenaka mila munizio ere, Ukrainak bere kostaldea defenda dezan. Guztira, 5.790 milioi eurokoa da Washingtonek Kievi egindako ekarpen militarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Raila Odinga presidentegaiaren jarraitzaileak, Nairobin. / ©Daniel Irungu, EFE

William Rutok irabazi ditu Kenyako presidentetzarako hauteskundeak

Arantxa Elizegi Egilegor

Hauteskunde Batzordeko zazpi kideetatik lauk uko egin diote emaitzak onartzeari. Raila Odingaren jarraitzaileek protesta egin dute batzordeko kideak bilduta dauden hotelaren atarian.

Nicola Sturgeon lehen ministroa, Eskoziako Parlamentuan. ©FRASER BREMNER/SCOTTISH DAILY MA

Hilekoarentzako produktuak doan banatuko ditu Eskoziak gaurtik aurrera

Berria

Gaur sartu da indarrean Hilekoarentzako Produktuen Legea, Eskozian. Udalek eta eskolek banatuko dituzte tanpoiak eta konpresak, eta eskatzen dituen ororentzat eduki beharko dituzte eskuragarri, doan.

Guayaquil hirian igande goizaldean izandako atentatua. ©Guayaseko gobernua.

Bost lagun hil dituzte Ekuadorren, lehergailu batekin egindako atentatuan

Hodei Iruretagoiena

Ekuadorko Gobernuak salbuespen egoera ezarri du Guayaquil hirian, 30 egunerako, «hiria babesteko eta kontrola berrezartzeko beharrezko neurri guztiak» hartzeko.

Israelgo Polizia, atzo, Jerusalem ekialdean. / ©Abir Sultan, EFE

Palestinar bat hil du tiroz Israelgo armadak

Arantxa Elizegi Egilegor

Jerusalem ekialdean egindako sarekada batean hil dute 21 urteko gizonezkoa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...