Albistea entzun

Mundua

LGTBI komunitatearen pub bat tirokatu dute Oslon, eta gutxienez bi pertsona hil dituzte

Eraso terrorista gisara hasi da ikertzen Norvegiako Polizia. LGTBI Komunitatearen Nazioarteko Eguneko ospakizunak bertan behera utzi dituzte hiri horretan.

Loreak eta ortzadarraren ikurraren koloreak, erasoa izan den tokian. /
Loreak eta ortzadarraren ikurraren koloreak, erasoa izan den tokian. / Terje Pedersen/EFE Tamaina handiagoan ikusi

Jon Ordoñez Garmendia -

2022ko ekainak 25

Bart gauean Oslon (Norvegia) LGTBI komunitatearen pub bat tirokatu du gizon batek, eta gutxienez bi pertsona hil ditu. 21 zauritu daude, horietatik hamar, larri, baina, albiste agentziek jakinarazi dutenez, ez daude hilzorian. Norvegiako Poliziak 42 urteko gizon bat atxilotu du, irandar jatorriko norvegiar bat. Eraso terrorista bat izan litekeela uste du Norvegiako Poliziak, eta hipotesi horretatik abiatuta hasi du ikerketa. Christian Hatlo ikerketako arduradunak esan du hilketa, hilketa saiakera eta eraso terrorista delituak leporatuko dizkiotela.

London Pub du izena eraso egin dion pubak. Rosenkrantz kalean dago, Oslo erdigunean. TV2 telebistak baieztatu ahal izan duenez, Herr Nilsen jazz klubean eta jatetxe batean ere izan dira zaurituak; bi horiek ere kale horretan daude.

Emilie Enger Mehl Norvegiako Justizia eta Segurtasun ministroak esan du gertatutakoa argitzeko lanetan ari direla. «Norvegia konfiantzako komunitate bat da, non denek sentitu behar duten seguru kalean larunbat gau batean». LGTBI Komunitatearen Nazioarteko Eguneko ospakizunak gaur ziren egitekoak Oslon, baina Oslo Pride jaialdiaren antolatzaileek jakinarazi dute bertan behera utzi dituztela, Poliziaren aholkua betez.

LGTBI komunitatearen desfilean parte hartzeko asmoa zuten guztiei ez joateko eskatu diete. «Aurki izango gara berriro harro eta ikusgai, baina gaur harrotasunaren ospakizunak etxean egingo ditugu», esan dute Inger Kristin Haugsevje Oslo Pride jaialdiaren arduradunak eta Inge Alexander Gjestvang Genero eta Sexualitate Aniztasunerako Elkarteko buruak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Saudi Arabiako Mohammed bin Salman printzea Joe Biden AEBetako presidentearekin ©BANDAR ALJALOUD HANDOUT / EFE

Emakume saudiarabiar bati 34 urteko espetxe zigorra ezarri diote Twitterren duen jardunagatik

Lide Egizala Urteaga

Salma al-Xehab izena du, eta bere delitua izan da Palestinako eta Yemengo herrien abertzaletasuna babestu eta emakumeen eskubideen alde agertzea. Saudi Arabiak emakumeen eskubideak defendatzen dituen ekintzaile bati ezarri dion kondenarik luzeena da.

Mahmud Abbas, artxiboko irudi batean. ©MOHAMAD TOROKMAN / POOL

Mahmud Abbas: «1947tik gaurdaino, Israelgo Gobernuak 50 sarraski egin ditu Palestinako 50 herritan»

Nagore Arin

Harrabotsa sortu dute Mahmud Abbas Palestinako Agintaritza Nazionaleko presidenteak Israeli buruz esandakoek. Palestinarren aurkako «50 holokausto» egin izana leporatu dio Israeli.

Kataluniako atentatuak, bosgarren urteurrena

Erasoen osteko galdera gordinak

Gorka Berasategi Otamendi

Bartzelonako eta Cambrilseko atentatuek ezin ulertua eragin zuten, egileak gizartean «integratuta» zeuden gazte batzuk zirelako. 16 hildako eta 140 zauritu utzi zituzten.
«Eskoletan egiten ari dena ez da prebentzioa, antiterrorismoa da»

 ©BERRIA

«Eskoletan egiten ari dena ez da prebentzioa, antiterrorismoa da»

Gorka Berasategi Otamendi

Erradikalizazio prozesua askotariko faktoreen uztartze bat da, Vidalen iritziz. Ohartarazi du nazioarteko politikek ere zuzeneko eragina dutela indarkeria jihadistaren indartzean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.