Albistea entzun

Estatuaren biktimak

Estatuaren biktimak aitortzeko «urrats instituzional garrantzitsuak» nabarmendu ditu Foro Sozialak

Legealdian emandako pausoen ondoriotzat jo dituzte Nafarroako Parlamentuak eta Gobernuak azken asteetan hartutako erabakiak.

Foro Sozial Iraunkorraren prentsaurrekoa, gaur eguerdian.
Foro Sozial Iraunkorraren prentsaurrekoa, gaur eguerdian. Iñigo Uriz / Foku Tamaina handiagoan ikusi

Iosu Alberdi -

2022ko ekainak 27 15:28

Azken asteetan Nafarroako erakundeek egindako «urrats instituzional garrantzitsuak» nabarmendu ditu Foro Sozial Iraunkorrak, eta legealdian eginiko aurrerapenen ondoriotzat jo ditu: «Nafarroan fronteetatik zubietara igarotzen ari gara». Halere, azaldu dute «bide luzea» dagoela egiteko, eta biktima guztien aitortza bermatzea eta «imajinario kolektiboaren» aldaketa sustatzea jo dituzte erronka nagusitzat.

Foro Sozialeko kide Terexa Fagoaga eta Fernando Armendarizek adierazi dute ezinbestekoa dela «biktima guztiei egia, justizia eta erreparaziorako eskubidea» bermatzea, eta biktimenganako «diskriminazio adierazpenak» baztertzea. Haien esanetan, helburu horiekin bat egiten dute azken asteetan Nafarroako Parlamentuak eta Gobernuak hartutako erabakiek.

Batetik, parlamentuak Torturaren Biktimei Babesteko Nazioarteko Egunaren inguruko adierazpen bat onartu du; bestetik, Nafarroako Gobernuak torturari buruzko ikerketa ofizial bat egiteko esleipena egin du. Horrez gain, Polizia indarkeriaren eta eskuin muturreko indarkeriaren biktimak aitortu eta erreparatzeko foru legea ere aldatu du parlamentuak, haien kalte ordainak beste indarkeria batzuen biktimekin berdintzeko. «Biktima bat erreparatzeko tresna nagusia da», adierazi du Fagoagak.

Agus Hernan eledunaren hitzetan, horiek eta biktimen, presoen eta «memoria kritiko inklusiboaren» alorrean emandako gainerako pausoak legealdian egindako lanaren ondorio dira. Alderdien artean zein bestelako eragileekin lortutako adostasunen balioa nabarmendu du hark: «Horrek guztiak ekosistema egokia sortu du, aipatutako hiru alderdietan urratsak egin daitezen».

Lana ez da «oztoporik eta krisirik» gabe egin, Hernanen esanetan. Adibide gisa jarri du Bizikidetza Planaren inguruko eztabaida. «Oso une zaila sortu zen, adostasun zabala hautsi zuena», azaldu du. Halere, alderdi gehienen jarduna eskertu du, eta «zoriondu» egin ditu adostasunak birsortzeko lan egiteagatik.

Instituzioetatik haratago ere jarri dute begia, eta torturaren inguruko mugimendu sozialen lanari balioa eman diote; tartean, larunbatean Iruñean egindako mobilizazioari, Nafarroako Torturatuen Sareak deituta. Sindikatuen gehiengoak, eta bestelako eragile eta norbanakoek hari erakutsitako babesa ere azpimarratu dute.

Erronkak

Ekimen horiek «agertoki berri bat» finkatu dutela uste dute Foro Sozialeko kideek, «bigarren mailako biktimatzat» jo izan direnen aitortzarako eta erreparaziorako urratsak direlakoan. Halere, nabarmendu dute «bide luzea» dagoela egiteko.

Fagoagak adierazi du estatuaren biktimek ez dutela «inolako konfiantzarik» justizian, eta hori aldatu eta justiziarako sarbidea errazteko neurrien beharra adierazi du. Biktimen eta Nafarroako erakundeen arteko konfiantza «berreraikitzea» ere ezinbestekotzat jo dute, eta erakundeek arlo horretan duten «erantzukizun handia» nabarmendu.

Biktimez hitz egitean, ETAren biktimetatik haratago begiratzeko «imajinario kolektiboan» aldaketa bat eman behar dela ere uste du Foro Sozialak: «Biktima guztiak guztienak, gizarte osoarenak, direla ulertzen badugu, biktima guztiak babestu behar baditugu, aurrera egin behar dugu oraindik existitzen diren bereizkeria dinamika gurutzatuak gainditzen». Hala, biktimekin enpatia izateko eta haiek errespetatzeko deia egin du Fagoagak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bego Atxa eta Joseba Azkarraga, atzoko prentsaurrekoan. ©ANDONI CANELLADA / FOKU

Sarek Auzitegi Nazionalaren «blokeo jarrera» kritikatu du

Isabel Jaurena

Sare Herritarraren arabera, 47 euskal preso daude orain urruneko espetxeetan. «Presoengandik gertuen daudenen» jarrera nabarmendu du, erabakiak «jarraipen egokia» egin eta gero hartzeagatik

Bego Atxa eta Joseba Azkarraga, gaur goizeko prentsaurrekoan. ©Andoni Canellada / Foku

Sarek Auzitegi Nazionalaren «blokeo jarrera» salatu du

Isabel Jaurena

Sare Herritarrak adierazi du 47 euskal preso daudela oraindik urruneko espetxeetan

Antonio Caño 2018an, 'El Pais' egunkarik zuzendari zenean. Don Mitxelen albiste faltsua sinistu duenetako bat da. ©Fernando Villar / EFE

Arralderi buruzko txio batek agerian utzi du albiste faltsuen ahalmena

Paulo Ostolaza

Fikziozko herri horretako udalak Miguel Angel Blancoren hiltzailea seme kutun izendatu duela idatzi du Twitterreko Don Mitxel erabiltzaileak. Besteak beste, Daniel Lacalle ekonomialariak eta Antonio Caño El País-eko zuzendari ohiak sinistu eta zabaldu dute mezua.

Iruñeko zezen plaza, uztailaren 14ko arratsean. ©Iñigo Uriz, FOKU

Aske utzi dituzte Mutilzarra peñaren salaketaren harira Iruñean atxilotuak

Uxue Rey Gorraiz

Poliziak bost lagun atxilotu zituen atzo, uztailaren 14an Iruñeko zezen plazan izandako istiluekin lotuta. Aske dira, baina epaileak deklaratzera deituko ditu. Gorroto delitua egozten diete. Mutilzarraren arabera, hainbat pertsonak eraso egin zieten peñako zenbait kideri.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...