Auto istripu larria izan da bart Beran (Nafarroan). 22:00ak aldera, auto bat errepidetik irten da, eta Bidasoa ibaira erori. Ondorioz, gidaria hil egin da. 49 urte zituen, eta Iruñekoa zen.
Istripuaren berri izan ostean, Oronozko suhiltzaileak, Doneztebeko osasun talde bat eta anbulantzia bat joan dira ezbeharra izan den tokira, baina ezin izan dute ezer egin gizonaren bizia salbatzeko.
Gorpua ibaitik atera ondoren, Iruñera eraman dute. Autoa gaur goizean ziren handik ateratzekoa. Guardia Zibila gertatutakoa ikertzen ari da.