Albistea entzun

Zinema

Euskadiko Filmategiak Antxon Ezeiza zinemagilearen lana katalogatu du

Zinemagilearen funts dokumentala, bibliografikoa eta grafikoa gorde dituzte Euskadiko Filmategiaren artxiboan. 2020an, Errenteriako, Pasaiako, Hernaniko eta Andoaingo Udalek Ezeizaren ondarea filmategian uztea erabaki zuten.

Antxon Ezeiaza zinemagilea, artxiboko irudi batean.
Antxon Ezeiaza zinemagilea, artxiboko irudi batean. Gari Garaialde / Foku Tamaina handiagoan ikusi

Leire Perlines Apalategi -

2022ko uztailak 5

2011. urtean hil zen Antxon Ezeiza zinemagilea (Donostia, 1935). Aitzindaria izan zen euskal zinemagintzan, eta haren material osoa bildu dute orain Euskadiko Filmategian. Bilduma material bibliografikoz, zinematografikoz eta audioz osatuta dago, eta guztira 257 erregistro sortu dituzte; haien artean, Ezeizak idatzitako gidoiak, sinopsiak, testuak, gutunak eta artikuluak daude. Gehienak mekanografiatuak badira ere, eskuz idatzitako batzuk ere gorde dituzte. Gainera, Eresbil Musikaren Euskal Artxiboak digitalizatu dituen 51 audio zinta magnetiko bildu dituzte, baita Ikuska sailaren filmetako irudiekin eta baztertutako eszenekin sortutako sei bobina ere.

Euskadiko Filmategiaren artxiboan funts dokumentala, bibliografikoa eta grafikoa kontserbatuko dira, eta komunitate zientifikoaren eskura egongo da aurrerantzean. Josefina Rubiok, Antxon Ezeizaren alarguna zenak, Errenteriako, Pasaiako, Hernaniko eta Andoaingo Udalei (Gipuzkoa) eman zien zinemagilearen materiala, eta 2020. urtean sinatu zuten hitzarmena filmategiarekin.

Donostiako Zinemaldiak eta Elias Kerejeta zinema eskolak lankidetza «oso aktiboa» izan dute Ezeiza funtsa osatzeko lanetan. Euskadiko Filmategiko zuzendari Joxean Fernandezek defendatu du funts hori osatzen duten lehen mailako iturriak ikertzaileentzat eskuragarri jartzea urrats garrantzitsua dela euskal zinemaren historia hobeto ezagutzeko. Horretaz gain, euskal ondare zinematografikoa babesteko, erakundeen arteko lankidetzaren adibide ona ere badela gaineratu du zuzendariak.

Ezeizaren Funtsa kontsultatu nahi duenak ordua hartu beharko du aldez aurretik, Euskadiko Filmategiaren egoitzan, Donostian.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Dantza ez da ulertzeko»

Leire Perlines Apalategi

Olatz de Andresek 'Doppelgänger' lanaren hiru kapsula aurkeztuko ditu Donostian; atzo izan zen emanaldi bat, eta gaur izango dira beste biak. Musika Hamabostaldian lehen aldiz ariko da aurten.
Ezkerretik hasita, Koldo Olabarri, Joseba Apaolaza eta Ainhoa Etxebarria aktoreak. ©TXALO PRODUKZIOAK

'Sagastitarrak' lanarekin abizenaren eztabaida oholtzaratuko du Txalok

Leire Perlines Apalategi

Gaur estreinatuko du Txalo konpainiak 'Sagastitarrak'. Joseba Apaolaza, Koldo Olabarri eta Ainhoa Etxebarria dira antzezleak. Anton, aita, ez dator bat alabak hartu duen azken erabakiarekin
Joseba Ossa. ©Andoni Canellada / Foku

Suomieraren eta Itakaren arteko bidaia

Ainize Madariaga

Bizitzako planetatik kanpo zegoen suomiera; alta, barneraino sartu zitzaion, mundu ikuskera berria eman zion, eta geroa net baldintzatu. Itakarako bidaian bezala, egitarau hetsia baino, irekia nahiago baitu. Itzultzaile bilakatu da suomierari esker, baina zintzoki aitortu du itzulpengintzak bere mugak dauzkala

 ©Andoni Canellada / Foku

Suomieraren eta Itakaren arteko bidaia

Ainize Madariaga

Bizitzako planetatik kanpo zegoen suomiera; alta, barneraino sartu zitzaion, mundu ikuskera berria eman zion, eta geroa net baldintzatu. Itakarako bidaian bezala, egitarau hetsia baino, irekia nahiago baitu. Itzultzaile bilakatu da suomierari esker, baina zintzoki aitortu du itzulpengintzak bere mugak dauzkala.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...