Albistea entzun

Ingurumena

Fiskaltzak ikerketa bat eginarazi du Arkaitzerrekako kutsadura dela eta

Gipuzkoako Ingurumen Probintzia Auzitegiko fiskalburuak ikerketa bat abiarazi du, uztailaren 13az geroztik Arkaitzerreka berriz ere kutsatuta dagoen ala ez argitzeko eta poluzioaren egilea nor den zehazteko.

EFE
EFE Guardia zibilak/duela bi urte Arkaitzerrekan/ikerketak egiten. Tamaina handiagoan ikusi

Iñaki Petxarroman -

2022ko uztailak 29

Uztailaren 15ean sinatutako dekretuak GuraSOSek bezperan fiskaltzaren aurrean aurkeztu zuen salaketari erantzuten dio, plataforma horrek berak ohar bidez jakinarazi duenez. Atestatua egingo duela iragarri du Fiskaltzak, eta beharrezko eginbideak egingo dira kutsaduraren jatorria eta eragina jakiteko, bai eta horren erantzuleak identifikatzeko ere.

Kutsaduraren erantzukizunari dagokionez, GuraSOSek fiskaltzari jakinarazi zion errekastoko ura garbi zegoela instalazioetatik gorako ibai zatian eta, beraz, kutsadura instalazio horiek dauden plataforman gertatzen ari dela.

Hala ere, Usurbilgo Udalak lortutako ur laginen analisien lehen emaitzak jakin ondoren, GuraSOSek fiskaltzari adierazi zion begi bistakoa dela kutsadura handia egon dela eta horrek eragina izan dezakeela errekaren baldintzetan. Jakinekoa da 2020ko martxoan beste kutsadura larri bat gertatu zela erreka berean, eta arrain ugari hil zirela orduan. Kasu hori ere ikertzen ari dira, eta inputatuen artean dago Cesar Gimeno GHK-ko zuzendaria. Irailaren 16an deklaratu beharko du Gimenok Donostiako Epaitegian delitu ekologikoari buruzko auzian.

Usurbilgo Udalak eta Errausketaren Aurkako Mugimenduak agindutako ikerketan, amonio eta kloruro poluzio handia topatu dute, bai eta beste osagai kimiko kutsagarri batzuk ere, besteak beste, metal astunak: kobrea, nikela eta kromoa, esate baterako. GuraSOSen ustez, kutsaduraren jatorria bateragarria da TMB plantaren eta erraustegiaren jarduerak eragin dezakeenarekin, iragazketa gertatu den lekuan baitaude.

GuraSOSek jakinarazi duenez, prozedura zabaldu ostean, uztailaren 19an Guardia Zibileko Sepronako agenteak jardun ziren errekaren inguruan ikerketak egiten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Greban dauden errepideetako langileek batzar nagusien aurrealdera eraman zuten atzo protesta. ©JONE ARRUABARRENA

EAJk eta PSEk esan dute Aritzetako auzia epaileen esku uzteko

Jone Arruabarrena

ELAk Gipuzkoako Batzar Nagusietan salatu du Bidegik azpikontratatutakoek Aritzetan bota dituztela hondakinak
Egunkariak salgai Donostiako kiosko batean. ©GORKA RUBIO / FOKU

Eusko Legebiltzarrak euskarazko hedabideak «babesteko» eskatu du

Edurne Begiristain

EH Bilduk Jaurlaritzari egotzi dio «erdarazko hedabide handiak» lehenestea diru laguntzetan
Eusko Legebiltzarreko indar politikoak, Euskaraldiari sostengua adierazten. ©BERRIA

Euskaraldian, erdaldunago

Jon O. Urain Gotzon Hermosilla

Euskaraldiak ez du ekarri alderdiek euskara gehiago erabiltzea Twitter bidez hedatzen dituzten mezuetan. Zenbaitetan, erabilera apaldu egin da kanpainak iraun duen bitartean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.