Gasteizko Udaltzaingoak jakinarazi duenez, hiru gizonezko atxilotu dituzte azken egunetan indarkeria matxistarekin zerikusia dutelakoan. Etxebizitza batean bikotekidea jotzea leporatuta, 36 urteko gizonezko bat atxilotu zuten ostiralean, eta 37 urteko beste gizonezko bat atxilotu zuten kalean bikotekide ohiari eraso egiteagatik.
Igande gauean, berriz, 31 urteko gizonezko bat atxilotu zuten udaltzainek, emakume bati sexu abusuak egitea leporatuta. Udaltzaingoak azaldu duenez, emakume bati ukituak egin zizkion Aiztogile kaleko taberna batean, eta, kargu hartu ziotenean, 31 urteko gizonak eta haren hiru lagunek tabernako atezainari eraso zioten. Erasotzaileek ihes egin zuten hasieran, baina inguruan atzeman zituzten ondoren.