Larrialdi zerbitzuak lanean ari dira Maulen, 84 urteko gizonezko baten bila. Atzotik ez dago haren berririk. Bizikletaz txango bat egitera atera zen, baina ez zen etxera itzuli. Bizikleta besterik ez dute topatu.
Suhiltzaileak, poliziak, helikoptero bat eta urpekariak mobilizatu dira bilaketa lanetan. Izan ere, gizonaren bizikleta Ühaitza ibaiaren bazterrean topatu dute.
Oraingoz ez dago gizonezkoaren arrastorik.