Albistea entzun

Australia

Lidia Thorpe Australiako senatariak karguaren zina errepikatu behar izan zuen Elizabeth II.ari «kolonizatzaile» deitzeagatik

Australiako Berdeak alderdi politikoko kidea da Lidia Thorpe. Aborigen aktibismoan karrera egin duten emakumeen oinordekotza baten parte da. Politikaren bitartez bere jatorria defendatzeko xedea du.

Lidia Thorpe senataria atzo, ukabila altxatuta Senatuan
Lidia Thorpe senataria atzo, ukabila altxatuta Senatuan LUKAS COCH / EFE Tamaina handiagoan ikusi

Lide Egizala Urteaga -

2022ko abuztuak 2 18:04

Lidia Thorpe Australiako senatari indigenak bi aldiz egin behar izan zuen biltzarkide karguaz jabetzeko zina, Elizabeth II.a erreginari «kolonizatzaile» deitu ondoren. Atzo goizean hartu zuen kargua senatari ekologistak; berak bakarrik, joan den asteko kargu hartze ofizialera ez baitzen joan.

Senatuko presidentearen aurrean ukabila goratu, eta zin egin zuen «subirano, solemne eta zuhurtziaz benetako leialtasuna» gordeko ziola «maiestate kolonizatzaileari, Elizabeth II.a erreginari». Thorperen adierazpenak ezinegona eragin zuen senatuko zenbait kiderengan, eta Sue Lines presidenteak eskatu zion karguaz jabetzeko formula errepikatzeko.

Helburuak garbi

Thorpe Australiako Berdeak alderdi politikoko kidea da, eta jatorriz DjabWurrung Gunnai Gunditjmara etniakoa. Politikaren bitartez bere jatorria defendatzeko xedea du Thorpek. Horretarako, legebiltzarrera jotzea du helburu, «herrialde honetan sistema kolonialaren legez kanpoko okupazioa zalantzan jartzeko». Horrez gain, ohartarazi zuen bere «jendeagatik» dagoela han, eta bere burua «sakrifikatuko» duela «kolonizatzaileari leialtasuna zin eginez, komunikabideetan egon ahal izateko eta parlamentuan sartzeko».

Senatukoa amaitu ostean, gertakaria sare sozialetara igaro zen. Kritika guztien artean, Adam Bandt politikariak bere babesa agertu nahi izan zion Thorperi eta Beti izan zen. Beti izango da esaldia jarri zuen sare sozialetan erreginari erreferentzia eginez. Ondoren, Thorpek berak Twitterren argitaratu zuen ez duela inoiz «subiranotasuna utzi». Jarraian, Australiako bandera ere kritikatu zuen emakumeak, «lur horien kolonizazioa» irudikatzen duelako. «Ez dago ez baimenik ez itunik; beraz, bandera horrek ez nau ordezkatzen», esan zuen Channel 10 katean.

Daily Mail-ek jakinarazi duenez, Thorpe senataria aborigen aktibismoan karrera egin duten emakumeen oinordeko da. Haren amona Alma Thorpek Victoriako osasun aborigen zerbitzua sortu zuen, eta haren ama Marjorie Thorpek, berriz, belaunaldi lapurtuak deiturikoen inguruko ikerketa nazionalean parte hartu zuen.

Kolonizazioa
Australia kolonia britainiarra izan zen ehun urtez baino gehiagoz, eta garai horretan milaka australiar aborigen hil zituzten, eta komunitateak lekuz aldatu. Azkenean, herrialdeak de facto-ko independentzia lortu zuen 1901ean, baina ez zen inoiz eskubide osoko errepublika bihurtu.

1999an egindako bozketa batean, australiarrek erregina kargutik kentzearen aurka bozkatu zuten. Azken urteetan egin diren inkesten arabera, australiar gehienak errepublika bat izatearen alde daude, baina akordio gutxi dago estatuburua aukeratzeko moduari buruz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©DANI CODINA / BERRIA

«Estatuak lortu nahi zituen ondorioak ekarri ditu errepresioak»

Carme Porta

JxCren idazkari nagusiak «oinarrizko gobernu akordioa berreskuratu» eta «autoexijentziari berriz heltzea» nahi du: «Kontua ez da dena aldatzea, baizik eta gu aktibatzea, eta proposamenak aztertzea bateragarriak izateko».

JxCko idazkari nagusi Jordi Turull eta alderdiko presidente Laura Borras, bileraren ostean egindako agerraldian, Bartzelonan. ©Marta Perez / EFE

JxCko militanteek datorren astean erabakiko dute Kataluniako Gobernutik irten ala ez

Mikel O. Iribar - Mikel Elkoroberezibar Beloki - Gorka Berasategi Otamendi

Urriaren 6an eta 7an egingo dute kontsulta. Kataluniako presidenteak JxCri eskatu dio exekutiboan ala oposizioan egon nahi duen argitzeko. ERCk adierazi du Kataluniako Gobernuak aurrera jarraituko duela JxCk erabakitzen duena kontuan izan gabe.

Amazoniako eremu deforestatu bat, artxiboko irudia ©Proética

Klima aldaketaren politiketan herri indigenen jakintza kontuan hartzeko eskatu dute

Isabel Jaurena

Txosten batek dio herri indigenek «arazo global konplexuei aurre egiteko ulermen modu alternatiboak» dituztela

Nord Stream gasbidearen Danimarkako eremuko zuloa ©Danish Defence Command / HANDOUT

Bertze zulo bat topatu dute Nord Stream 2 gasbidean

Berria

Aurkitzen duten laugarren gas ihesa da. Bi Danimarkako eremuan daude, eta bertze biak Suediakoan. Alemaniako Ingurumen Ministerioak ohar egin du metano isuriek eragin ditzaketen kalteez.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...