Gasteizko Terrorismoaren Biktimen Oroimenezko Zentroak inspektore soil gisa gogoratu du Meliton Manzanas, berriro ere, ETAk hura hil zuenetik 54 urte bete berri diren honetan. Iaz polemika sortu zen, eta aurten ere gauza bera gertatu da. Sare sozialetan atzo zabaldutako mezu batean, ez zuten aipatu Manzanasek frankismo garaiko indarkerian izan zuen erantzukizuna eta dozenaka euskal atxiloturi egin zizkien torturak.
02.08.1968. Se cumplen 54 años del asesinato por ETA en Irún del inspector jefe de la Brigada de Investigación Social @policia MELITÓN MANZANAS GONZÁLEZ. Murió casi en el acto por los cinco disparos de un terrorista que le esperaba, cuando entró en el portal su casa. pic.twitter.com/x7BH0tSXCf
— Centro Memorial VT (@MemorialVT) August 2, 2022
Joan den urtean gertatutakoa ikusita, Foro Sozialak «birbiktimizazio» hori saihesteko eskatu zion zentroari, baina Florencio Dominguez zuzendariak entzungor egin zuen. Foroak oroitzapen partzial hori saihesteko galdegin zien Dominguezi eta Memorial Zentroaren Fundazioko beste buru batzuei. Manzanas Polizia inspektore soil gisa oroitzen du zentroak, eta Clement Perret, berriz, «Frantziako industrialari bat» baino ez zela izan aipatzen da. Biak gerra zikinean inplikatuta egon ziren.
Gobernuak Manzanasen torturen berri eman du aurten estatuaren indarkeriaren biktimak aitortzeko prozesuari buruzko urteko txostenean. Aurreko ikasturtean Balorazio Batzordeak onartutako 46 kasu biltzen ditu txostenak, eta Manzanasi eta haren taldeari dagozkien bi kasu daude. Horiek 1961. eta 1968. urteetakoak dira, eta azpimarratzen da «Manzanasek tortura saioak zuzentzen zituela eta horietan parte hartzen zuela».
Foro Sozial Iraunkorrak uste du Patronatuko kideek esku hartu behar dutela horrelako egoerak saihesteko.
Este año no se ha dado la grave revictimización que generó en 2021 la publicación del @MemorialVT en el aniversario de Melitón Manzanas (y Clément Perret). La reflexión conjunta de las instituciones del Patronato y la sociedad civil ha logrado amparar a las víctimas del Estado.👠pic.twitter.com/SZx955kHuN
— Foro Soziala (@ForoSoziala) August 2, 2022
Manzanasen kasua
1968ko abuztuaren 2an hil zuen ETAk Meliton Manzanas, etxera zihoala. Erakunde armatuak modu antolatuan eta hiltzeko helburuz prestaturiko lehen atentatua izan zen. Donostiako polizia etxea utzi eta gero, autobusez joan zen Manzanas Irunen (Gipuzkoa) zuen etxera, Villa Arana izeneko txaletera. Autobusetik jaitsi, eta etxeko atarian sartu bezain pronto, eskaileretan, ETAko kide bat zuen zain.
Ikusi gehiago: 1968ko abuztu sargori hura
