Albistea entzun

Ondarea

Nafarroako Unibertsitate Publikoak jakinarazi du bere bildumako hamar bat obra desagertuta daudela

Joan den astelehenean jakin zuten Iruñeko Udalak eta Nafar Ateneoak desagerpenen berri. Ez da Nafarroako bildumetako artelanak desagertzen diren lehen aldia; 2014an ere gauza bera gertatu zen Nafarroako Kutxaren bildumarekin.

Nafarroako Unibertsitate Publikoa
Nafarroako Unibertsitate Publikoa Idoia Zabaleta / FOKU Tamaina handiagoan ikusi

Lide Egizala Urteaga -

2022ko abuztuak 4

Datorren urrian, Ziudadelako Armen Aretoan erakusketa bat inauguratuko da 1972ko Iruñeko Topaketen urteurrena dela eta. Iruñeko Udalak eta Nafar Aretoak Nafarroako Unibertsitate Publikoaren (NUP) Arte Garaikideko bildumako zenbait obra eskuratu nahi zituen erakusketarako; baina zentroak jakinarazi zien bildumako hamar bat obra desagertuta daudela 2015etik. Obren artean, Fernando Iriarte margolari nafarraren Hodeia, ibaia eta errota lana dago.

Erakusketaren arduradunak, Pedro Salaberri margolaria eta Javier Manzanos arte plastikoetako udal teknikaria, unibertsitatera joan ziren iragan astelehenean, hango Proiekzio, Kultura eta Dibulgazio errektoreordeari bere bildumako hainbat lan erakusketan sartzeko asmoa jakinaraztera. Fernando Iriarteren obraz galdetu ziotenean, ordea, esan zien ez dakitela non dagoen, «desagertuta» dagoela. Beste zenbait obra ere galduta daudela aitortu zien errektoreordeak.

Nafarroako Unibertsitate Publikoa astelehen horretan bertan jarri zen harremanetan Fernando Iriarterekin, bere pinturaren desagerpenaren berri emateko. Iriartek esan du 3 metroko koadro bat ez dela «hain erraz galtzen» eta horrek «erakundeak bildumekin duen utzikeria izugarria» erakusten duela; ez baita artelanak «desagertzen» diren lehen aldia. 2014an, Kontuz kontsumitzaile eta erabiltzaileen elkarteak salatu zuen Nafarroako Kutxaren bildumako 157 artelan desagertuta zeudela.

'Hodeia, ibaia eta errota'

Fernando Iriarteren artelana 3 m x 2 m neurriko diptiko bat da. Nafarroako Unibertsitate Publikoak 650.000 pezetaren trukean erosi zuen, 1993an. Margolariak dioenez, garai hartako errektore Juan Garcia Blascoren bulegoan jarri zuen berak artelana, eta 2012an erakusketa kolektibo ibiltari baten esparruan erakutsi zen, Unibertsitate Publikoaren 25. urteurrena zela eta. Haren funtsetako piezak Lizarrara (Gustavo de Maeztu Museoa), Tuterara (Maria Forcada fundazioa) eta Iruñera (Nafarroako Museoa) eraman zituen ondoren.

2014. urtean, Fernando Iriarterekin harremanetan jarri zen NUP, bere diptikoa zaharberritzera eramateko baimena eskatzeko. Iriartek koadro hori «beraiena zela» eta harekin «egoki iruditzen zitzaiena» egiteko esan zien, baina jakinarazi du unibertsitateak inoiz ez diola esan nahi izan zaharberritzea «kanpoko zer enpresak» egin zuen. Iriartek dionenez, koadroa «atera eta itzuli egin zela» esan dio unibertsitateak, baita «inongo paperik» ez dagoela ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Musika estilo askotara zabaldu da trikitia azken urteotan. Irudian, Neomak taldearen kontzertu bat, Durangon (Bizkaia). ©RAUL BOGAJO / FOKU

INFERNURAINOKO SUSTRAIAK DITU

Olatz Enzunza Mallona

Euskal kulturan errotuta dauden musika tresnetako bat da trikitia. Euskal Herriko plazetan zein musika eskoletan bizi-bizirik dago oraindik ere, eta, tradizioa alde batera utzi gabe, musika estilo gehienetara ere zabaldu da azken hamarkadetan. Transmisioan dago gaur egun kezkarik handiena.
 ©IRATXE ETXEANDIA

«Trikitiaren errealitatea ez dator bat gizarteak irudikatzen duenarekin»

Olatz Enzunza Mallona

Trikitiaren ibilbidea eta iruditeria kolektiboa ari da ikertzen Gontzal Carrasco bere doktoretza tesian. Tradizioaz gainera, instrumentuaren «beste errealitate batzuk» erakusteko beharra dagoela nabaritu du.

 ©ANE GARCIA
Duvravka Ugresic, Bartzelonan, 2011n. ©ORIOL CLAVERA

Bueltarik gabeko erbestearen letrak

Andoni Imaz

Historiaren eta politikaren koordenatuetatik irakurri ohi da Dubravka Ugresic hil berriaren lana; izan ere, gai horiek erabat blaitzen dituzte Jugoslavia ohia desegin ondoren handik ihes egin zuen idazle kroaziarraren nobelak eta saiakerak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.