Albistea entzun

Gasteizko jaiak

Zapia lepoan dute berriz gasteiztarrek

Ohitura denez, Zeledonen jaitsierarekin hasi dira Gasteizen Andre Maria Zuriaren jaiak, hiru urteren ondoren.

Gasteizko jaien hasiera, gaur, Andra Mari Zuriaren plazan.
Gasteizko jaien hasiera, gaur, Andra Mari Zuriaren plazan. Jaizki Fontaneda / Foku Tamaina handiagoan ikusi

Eider Etxeberria Soria - Hodei Iruretagoiena -

2022ko abuztuak 4

2019ko abuztuan jaitsi zen azkenengoz Zeledon San Migel elizako dorretik Andre Maria Zuriaren plazako balkoira. Bi urtez atera gabe geratu ondoren, ez zuen plazara irteteko gogorik falta, ezta gasteiztarrek eta bisitariek ere festarako grinarik. 17:00etarako goraino zegoen Andre Maria Zuriaren plaza. Zeledon 18:00etan atera da San Migel elizatik, eta, zerua zeharkatu ondoren, jende artetik igaro du plaza. Alkateari zapia jarri, eta Elena Loyo eta Ruth Brito kirolariek, Jaione Prado merkatariak, Maria Jose Saez de Cortazar ostalariak eta Arantza Navarro ikerlariak bota dute txupinazoa.

«Zuen falta sumatu dut», esan du Gorka Ortiz de Urbinak festarik gabeko urteak aipatuz, eta gogoan izan ditu «gaur hemen gurekin egoterik ez dutenak». Indarkeria matxistaren aurka ere mintzatu da, emakumeentzat ere «festa seguruak» izan daitezen aurtengoak.

Zeledonek aterkia zabaldu eta berehala, Zeledon, etxe berria egin duk! kantatu dute milaka lagunek, ohi bezala, Gasteizko jaiei hasiera emateko. 2017tik egin ohi duten bezala, udaltzainek hustu zuten plaza jaia hasi aurretik, jendeak beirarik eta latarik sar ez zezan. Inoiz baino kontrol zorrotzagoak ezarri dituzte aurten; plaza guztia itxi dute, eta ilara luzeak sortu dira jaiaren erdigunera sartzeko. Edaririk ez da falta izan, ordea; jendetzak dantzan eta edanean itxaron dio Zeledoni, musikaren laguntzaz.

Izugarrizko berorik ez du egin gaur, nahiz eta arratsalde eguzkitsua zegoen. Urte batzuetan suhiltzaileak ura botatzen ibili izan dira, baina aurten ez dute halako lanik hartu, eta festazaleek ahal izan duten bezala egin diote aurre beroari.

Aldarrikapen ugari

Aldarrikapenik ere ez da falta izan jaien hasieran. Pankarta ugari atera ditu jendeak, era guztietako leloekin. Zeledon elizako dorretik jaisteko ordu erdi falta zela jarri dute Presoak eta iheslariak etxera leloko pankarta Andre Maria Zuriaren plazako eskulturan, eta Sozialismoa eraiki zioen bat ere ikusgai izan da aurreko lerroetan. Amnistiaren aldeko pankarta bat eta Ernairen beste handi bat ere atera dituzte, Independentzia, feminismoa, sozialismoa aldarriekin.

Joseba Fiestras FesTVal jaialdiaren zuzendariak irakurri zuen aurtengo jaietako jaietako pregoia, herenegun. «Bete-betean gozatzeko» deia egin zuen Fiestrasek: «Utz ditzagun gatazkak atzean, eta jaian zentratu gaitezen. Gasteiz elkargune izan dadila».

Ikusi gehiago: Plaza berriz betetzeko ordua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Edonork egin dezake eskrima»

Joseba Arratibel Ladron

Otaegik 34 urte daramatza eskrima praktikatzen, eta 22 urte Fortuna kirol elkartean eskrima irakasten. Bihar eta etzi, gainera, eskrima saioak eskainiko dituzte Donostiako Katalunia plazan.
2 ©JON URBE / ARGAZKI PRESS

Handituz joan den olatua

Amaia Jimenez Larrea

Donostiako Piratek hogei urte bete dituzte aurten. 2002an, hiriko gazte batzuk, «zezenketen, su festen eta izozkien» jaiak alde batera utzita eta beste eredu baten bila, eztabaida sortzen hasi ziren. Abordatzea izan zen eztabaida sortzeko egitasmoa, eta gaur egun festen ekitaldi nagusia da.

Kilometro Lezoko ikusleak, iaz, emanaldi batean. ©LEZOKO UDALA

Nobedadeak Kilometro Lezon

Joseba Arratibel Ladron

Datozen hiru asteburuetan, Kilometro Lezoren hirugarren aldia egingo dute. Dantza emanaldiez, zirkuaz, antzerkiez eta musikaz gozatzeko aukera egongo da

Jendetza bildu ohi da festen hasieran Laudion. ©LAUDIOKO UDALA

Dantzaz beteriko festak

Maixa Utrera Puelles

Martxan dira Laudioko San Roke jaiak, Jabier Artetak txupinazoa bota eta agurra irakurri ostean. Bi txandatan egingo dituzte jaiak: lehen txanda, bihar arte; ondoren, hilaren 24tik 28ra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...