Hil egin da Tuterako (Nafarroa) festetako bigarren eguneko entzierroan zauritutako gizona. 74 urte zituen, eta uztailaren 26ko entzierroan zauritu zen, Errioxako Toropasion ganadutegiko zezenek harrapatu eta buruan kolpe bat hartuta. Tuterako Reina Sofia ospitalean egon da geroztik, eta igande honetan hil da.
Atzo arratsaldean, bestalde, 37 urteko gizon bat larri zauritu zen Arguedasen (Nafarroa), bigantxetan. Tuterako gizona lepoan adarkatu zuen behi batek, zezen plazan, entzierroaren amaieran. Zauri larriekin eraman zuten Tuterako Reina Sofia ospitalera.