Albistea entzun

Sekretu Ofizialen Legea

Foro Sozialak «etsigarritzat» jo du Informazio Klasifikatuen Lege Aurreproiektua

Nazioarteko zuzenbidean oinarritutako lege bat adosteko eskatu die inbestidurako blokeko indarrei.

Foro Sozialaren agerraldi bat, uztailean.
Foro Sozialaren agerraldi bat, uztailean. Monika del Valle / Foku Tamaina handiagoan ikusi

Iosu Alberdi -

2022ko abuztuak 8

Espainiako Gobernuak aurkeztutako Informazio Klasifikatuen Lege aurreproiektuak kritika ugari jaso ditu publiko egin zutenetik. Haiei batu zaie Foro Sozial Iraunkorra ere. «Etsigarritzat» jo du proposamena, eta inbestidurako gehiengoa baliatzeko eskatu dio Moncloari, testua hobetzeko: «Gizarte heldu eta demokratiko batek ezin du egia osoa eskuratzeko beldurrik izan».

Talde parlamentarioek azken egunetan egindako adierazpenek erakusten dute badaudela aurreproiektua aldatzeko baldintzak, Foro Sozialaren arabera. Hala, alderdiei eskatu die «giza eskubideen urraketen biktimen arteko diskriminaziorik ezaren nazioarteko zuzenbidean» eta «biktima guztiek egia, justizia eta erreparaziorako eskubidean» oinarritutako akordio baten alde egiteko.

1968ko Sekretu Ofizialen Legearen erreforma da estatuaren eta hark garatutako gerra zikinaren zenbait biktimaren kasuetan egia azaltzeko «bide egingarri bakarrenetakoa». Foro Sozialaren esanetan, ordea, gobernuaren aurreproiektuak ez die behar duten erantzuna ematen, ez GALen ez torturaren biktimei.

Aurreproiektuak 50 urtera arteko epeak aurreikusten ditu sekretuak publiko egiteko, eta haiek beste hamabost urtez ezkutuan mantentzeko aukera ematen dio Ministroen Kontseiluari. Hala, Foro Sozialak uste du egungo legeak baino «denbora kortse handiagoa» ezarriko lukeela, biktimen «birbiktimazioan» sakonduta: «Oraindik bizi diren ‘hirugarren mailako biktimen’ sentimenduan sakonduz, inpunitatea bermatzeaz gain». Kontrara, erreformak EAEko Polizia Abusuen Biktimen Legearen Balorazio Batzordearen lana erraztu beharko lukeela adierazi du, baita Nafarroan prestatzen ari diren molde bereko legea ere.

Beraz, aurreproiektuak hartutako bidea baztertu eta Nafarroako Parlamentuak iazko martxoan lortutako akordioa abiapuntu gisa hartzeko eskatu du. Orduko hartan, Navarra Suma ez beste guztiek bat egin zuten Espainiako Gobernuari eskatzeko Sekretu Ofizialen Legea aldatu dezala, Mikel Zabalzaren heriotzaren nondik norakoak argitzeko.

Ez da Foro Sozialak halako eskaera bat egiten duen lehen aldia. Iazko irailean gutun bat bidali zien Espainiako Presidentetza ministro Felix Bolañosi eta inbestidurako blokea osatzen duten alderdiei. Testu hartan, hausnarketa bat egiteko eta erreformari «nazioarteko parametroen ikuspegitik» heltzeko eskatu zien politikariei. Horrekin batera, exijitu zuen «artxibo ofizialetarako sarbidea behar-beharrezkoa baino gehiago luzatzen duen kortse berririk» ez ezartzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nikolas Blain eta Anita Lopepe, Baionan egin duten agerraldian ©Bob Edme

Eskaintza politiko berri bat eratu nahi du EH Baik

Ekhi Erremundegi Beloki

Lehen kongresua eginen du azaroaren 26an. Txosten politikoa eta organizatiboa eztabaidatzen hasiko da ondoko egunetan

Miren Etxebeste eta Victor Lana, Donostian. ©Ahal Dugu.

Miren Etxebestek iragarri du aurkeztuko dela Gipuzkoako Ahal Dugu-ren hautagai izateko primarioetan

Uxue Rey Gorraiz

 Donostiako alkategai izateko, Victor Lasak ere aurkeztu du hautagaitza.

Pello Otxandiano, atzo, Donostian. ©ARITZ LOIOLA / FOKU

Egiturazko neurriak sustatzeko hitzarmen bat proposatu du EH Bilduk

Iosu Alberdi

Ongizate Hitzarmenak hamar neurri jaso ditu: bost «ongizatearen oinarri materialak bermatzeko», eta beste horrenbeste aberastasuna banatzeko

Frantziako armadan sartzera deitzeko publizitate bat, Baionako autobus geltoki batean. ©GUILLAUME FAUVEAU

Egun bat Frantziako armadan, nahi eta nahi ez

Oihana Teyseyre Koskarat

Iparraldeko 16 eta 25 urteko gazte guziak behartuak dira Frantziako armadarekin edo Jendarmeriarekin egun bat pasatzera. Euskaldunen kontrako diskriminazioa pairatu dute anitzek, «propaganda» egunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.