Albistea entzun

Mugikortasuna

Renferen erabiltzaileek doako bonuak eta deskontuak eska ditzakete gaurtik aurrera

Internet bidez eska daitezke. Neurria irailetik 1etik abenduaren 31ra egongo da indarrean, eta tarte horretan gutxienez hamasei bidaia egin beharko ditu erabiltzaileak.

Renferen webgunean edota app-an eskatu daitezke deskontu bonuak.
Renferen webgunean edota app-an eskatu daitezke deskontu bonuak. Luis Millan / EFE Tamaina handiagoan ikusi

Paulo Ostolaza -

2022ko abuztuak 8

Doako bonuak aldirietan eta tarteko distantziako trenetan, eta %50eko deskontua Avant zerbitzuetako multibidaia abonuetan. Gaurtik aurrera, Renferen erabiltzaileek tren zerbitzuetako doako bonuak eta deskontu bonuak eskatu ahal izango dituzte Internet bidez, nahiz eta ez dituzten jasoko abuztuaren 24ra arte.

Eskariak egiteko epea aurrez irekitzearen helburua da erabiltzaileek denborarekin egitea izen ematea. Hala, hilaren 24tik aurrera jaso ahal izango dituzte deskontu bonuak, eta irailaren 1etik abenduaren 31ra arte erabili. Renferen webgunean edo app-ean eman daiteke izena.

Bonuak doakoak dira, baina aldiriko trenen erabiltzaileek hamar euro utzi beharko dituzte berme modura. Hura bueltan jasotzeko, gutxienez hamasei bidaia egin beharko dituzte neurria indarrean egongo den lau hilabeteetan: hileko lau. Tarteko distantziako trenetan, berbera izango da funtzionamendua, baina bermea hogei euro izango da.

Espainiako Gobernuak ekainean iragarri zuen inflazioari aurre egiteko garraio publikoaren prezioak jaitsiko dituela. Arabako, Bizkaiko eta Gipuzkoako garraio publikoan ere prezioak %50 merkatuko dituzte, eta Nafarroan, berriz, %30.

Neurria indarrean jartzeko, Espainiako Ogasun Ministerioak 210 milioi euro transferituko dizkio Renferi.

Mugi, Barik eta Bat

Madrilen neurriak ez die Renferen erabiltzaileei soilik eragingo. Mugi, Barik eta Bat txartelen erabiltzaileek ere %50eko beherapenak izango dituzte irailaren 1etik urtea amaitu arte, txartela erabil daitekeen zerbitzu guztietan: Euskotren, Lurraldebus, Bizkaibus, hainbat herritako autobus zerbitzuak...

Deskontu horiek izateko, ez dute tramiterik egin beharko erabiltzaileek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arroz ekoizle bat eskukada bat ongarri eskuan duela, Colombon (Sri Lanka). ©CHAMILA KARUNARATHNE/EFE

ONGARRIEN EKOIZPENAK %70 EGIN DU BEHERA

Maddi Iztueta Olano

NBE Nazio Batuen Erakundeak Errusiari eta Ukrainari eskatu die esportazio kimikoen inguruko akordioa adostu dezaten. Elikagaien eskasia areagotzen ari da.
Gazte bat «jan itzazu aberatsak» dioen pintaketa baten aurretik pasatzen, Atenasen. ©ORESTIS PANAGIOTOU / EFE
Nekazal landak, Berangon. ©Aritz Loiola / FOKU

Elikagai ekologikoen kontsumoak ez du atzera egin

Maddi Iztueta Olano

Arabako, Bizkaiko eta Gipuzkoako nekazaritza lurren %4,6 erabiltzen dira nekazaritza ekologikorako. Helburua 2030. urterako Europako nekazaritza lurren %25 ekologikoa izatea da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...