LAN ISTRIPUA
Bi langile hil dira Gipuzkoan, bata Elgoibarren eta bestea Errenterian
Garraiolari bat eta eraikuntzako langile bat dira hildakoak. Zirkulazio istripu batean hil da lehena, Elgoibarren. Aldamiotik erorita hil da bigarrena, Errenterian.
Azken orduotan bi langile hil dira Gipuzkoan. Garraiolari bat eta eraikuntzako langile bat dira hildakoak. Zirkulazio istripu batean hil da lehena, Elgoibarren. Aldamiotik erorita bigarrena, Errenterian.
Bart gauean gertatu da Elgoibarko ezbeharra, AP-8 errepidean izandako istripu batean. Eusko Jaurlaritzako Segurtasun Saileko ordezkariek jakinarazi dutenez, kamioi bat N-634 errepidera erori da, 02:00etan. Kamioian bi lagun zihoazen, eta ibilgailuan harrapatuta geratu dira biak. Kopilotu zihoana hil egin da, eta gidaria larri zauritu da; 61 eta 45 urte zituzten, hurrenez hurren. Suhiltzaileak eta osasun langileak bertaratu dira ezbeharraren lekura, eta zauritua Donostia ospitalera eraman dute.
Errenteriako lan istripuaren inguruko zehaztasunik ez dute eman oraingoz. LAB sindikatuak eman du ezbeharraren berri. «Lan heriotzen sarraskiak ez du etenik. Urteko 48. eta 49. lan hildakoen berri izan dugu», adierazi dute sare sozialetan.
ð;Â;Â;¨ Lan heriotzen sarraskiak ez du etenik. Urteko 48 eta 49. lan hildakoen berri izan dugu #PrekaritateaHiltzailea
— LAB SINDIKATUA (@LABsindikatua) August 9, 2022
ð;Â;Â;´ Oreretan, langile bat hil da aldamiotik erorita
ð;Â;Â;´ Elgoibarren, garraiolari bat zendu da AP-8 autobidean, eta beste bat larri zauritu
Laster informazio gehiago pic.twitter.com/B3c7F9FRgK
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
