Albistea entzun

SUTEAK

Kontrolpean dute atzo Agurainen piztutako sutea

Sute bat piztu zen atzo Agurain aldean (Araba), eta kontrolpean hartu dute suhiltzaileek, bart hura itzaltzeko lanetan aritu ondoren. Okzitaniako suteak ez dira gehiago hedatu gauean, eta trafikoa normal dabil Irun aldean. Halere, Akitania Berriko Prefeturak adierazi du sutea hedatzeko arriskua «oso handia» dela oraindik.

Girondako suteetak, aste honetan.
Girondako suteetak, aste honetan. PHILIPPE LOPEZ / POOL Tamaina handiagoan ikusi

Berria -

2022ko abuztuak 13 15:46

Beste sute bat; Agurain (Araba) aldean orain. Eusko Jaurlaritzako Segurtasun Sailak jakinarazi zuenez, herri ondoko baso batek su hartu zuen atzo 17:00 aldera, trenbidetik hurbil. Hipotesi nagusia da trenak sortutako txinpartek piztu zutela soroetan zabaldu zen sutea. Suhiltzaileak gogor aritu dira gauean hura itzaltzeko ahaleginetan, eta, Segurtasun Sailaren arabera, kontrolpean hartu dute dagoeneko. Helikopteroek behar bezala lan egin dezaten, poliziek trafikoa eten zuten atzo A-1 errepidean, bi noranzkoetan, baina dagoeneko zabaldu dute bidea.

Suteek kezkarako zio mordoa eman dute azken orduotan. Okzitaniako Gironda departamenduan eta Landetan piztutako suteek 7.400 hektarea erreak zituzten atzo iluntzerako, baina, Akitania Berriko Prefeturak adierazi duenez, bart gauean ez dira gehiago hedatu. Hori dela eta, mugako trafikoa normalizatu egin da gaur; izan ere, Biriatuko muga itxi zuen atzo Frantziak suteengatik, eta auto pilaketa luzeak izan ziren. Bost kilometrotik gorako ilarak izan ziren atzo. A-63 autobidea itxita dago oraindik kamioientzat, eta A-64, A-65 edo A-62 autobideak erabili behar dituzte.

Arratsaldean ibilgailu batzuk pilatzen hasi dira Irun aldean, ordainlekuetan, udan sarritan ohi duenez. Oporretarako irteerak eta oporretako itzulerak hartuko dute asteburua, eta espero da trafiko handia izatea.

Nahiz eta bart gauean suteek aurrera ez egin, Akitania Berriko Prefeturak dio suteak hedatzen jarraitzeko arrisku handia duela, tenperatura beroengatik eta lurraren lehortasunagatik. Hori dela eta, suak itzaltzen dabiltzan 1.100 pertsonek lanean jarraituko dute. Europako hainbat herrialdetako larrialdi zerbitzuetako langileak suteak itzaltzen laguntzen ari dira.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Hilekorako produktuen BEZa %10etik %4ra jaitsiko du Madrilek

Uxue Rey Gorraiz

Preserbatiboei eta medizinalak ez diren antisorgailuei ere eraginen die merkatzeak; pixoihalei, ez.

Hablamos español elkartearen protesta Madrilen, joan den astean. ©FERNANDO ALVARADO, EFE

«Zelan erdaldundu Euskal Herria?»: dekalogo bat eman du Euskal Encodingsek

Uxue Rey Gorraiz

Espainiako epaile batek «gaizkile txiki bat» sortzeko dekalogoa eman zuen joan den hamarkadan. Hori oinarri, eta begirada euskarara zuzenduz, beste bat argitaratu du Euskal Encondingsek: Etxean erdaldun txiki bat sortzeko dekalogoa. Hamar gako dira, ironiaz biziturik.

Elbira Zipitriaren estatuaren aurkezpena, Gipuzkoako foru jauregian. ©Gipuzkoako Foru Aldundia

Elbira Zipitriaren estatua bat jarri dute Gipuzkoako foru jauregian

Julen Otaegi Leonet

Lehenbizikoz, andre baten eskultura bat jarri dute jauregiko ohorezko patioan; Gipuzkoaren historiako izen handientzat gordetako espazioa da.

Imanol Pradales Sestao e Areetako metro geltokiak lotuko ditun trenaren aurkezpenan. ©Bizkaiko foru aldundia

Sestaoko eta Areetako metro geltokiak lotuko dituen trenak ez du makinistarik izango

Mikel Garcia Martikorena

Itsasadarraren azpitik igaroko den tren baten bidez, Bilboko Metroko lehenengo eta bigarren lineak lotuko dira.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.