Albistea entzun

Sarek Auzitegi Nazionalaren «blokeo jarrera» salatu du

Sare Herritarrak adierazi du 47 euskal preso daudela oraindik urruneko espetxeetan

Bego Atxa eta Joseba Azkarraga, gaur goizeko prentsaurrekoan.
Bego Atxa eta Joseba Azkarraga, gaur goizeko prentsaurrekoan. Andoni Canellada / Foku Tamaina handiagoan ikusi

Isabel Jaurena -

2022ko abuztuak 12 13:18

Euskal presoen egoerari eta haren bilakaerari buruzko balorazioa egin du gaur Sare Herritarrak, Donostian. Mugimenduak adierazi du bilakaera motela izan dela, baina aurrerapausoak positiboak direla. «Geldialdi asko izan dira, baina atzean utzi dira Euskal Herritik urrunen dauden kartzelak», argitu dute.

Sare Herritarrak azpimarratu duenez, orain lau urte, Espainiako Gobernuak adierazi zuen espetxe politika eta urruntzea bertan behera geldituko zirela. Hala ere, gaur egun 47 euskal preso daude oraindik urruneko espetxeetan.

Presoak etxera itzultzeko prozesuaz ez ezik, gradu aldaketak eta baimenak lortzeko zailtasunez ere hitz egin dute. «Auzitegi Nazionala zeregin erabakigarria betetzen ari da, fiskaltzarekin, Espetxe Zaintzarako Epaitegi Zentralarekin eta Auzitegi Nazionaleko zigor arloko aretoarekin batera», adierazi du plataformak. Instantzia horiek «blokeo jarrera» dutela nabarmendu dute.

Egoera horren erakusle diren zenbait adibide eman ditu Sarek. Esaterako, 160 euskal preso inguruk baimenak jasotzeko baldintzak betetzen dituzte, baina gehienez ere 30ek lortu dute. Hirugarren graduari dagokienez, 80 preso inguruk egon beharko lukete egoera horretan, baina 20 daude. «Auzitegi Nazionala eskuin mutur politikoaren organo juridikoaren rola betetzen ari da», adierazi du.

Eskakizun andanari buruz mintzatu ahal direla aitortu dute, hala nola gaixo dauden presoen egoerari buruz, urruntze politikaren inguruan edo legediaz. Hala ere, bakarrean zentratuko direla azpimarratu du Sare Herritarrak: salbuespen egoeraren amaiera eskatzean. «Ez gara pribilegioez ari, justiziaz ari gara», azpimarratu du plataformak.

Alde positiboa

Presoengandik hurbil dauden horien jarrera nabarmendu du Sarek: «Ahalegina egiten ari dira salbuespen legeriaren ondorio negargarriak saihesteko». Presoen egoeraren bilakaera aztertu ondoren hartzen dituzte erabakiak. «Mendekua eta irizpide politikoak aplikatu ordez, justizian oinarritutako irizpideak aplikatu beharko lirateke», adierazi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Garikoitz Aspiazu Auzitegi Nazionalean deklaratzen, hilaren 13an. ©Fernando Villar, EFE

ETAren 2002ko atentatu batean parte hartzeaz absolbitu dute Garikoitz Aspiazu, froga faltagatik

Uxue Rey Gorraiz

2002an Bilbon izandako atentatu bat egin izana egotzita epaitu dute Espainiako Auzitegi Nazionalean; bonba-auto bat lehertu zen, eta hainbat zauritu eragin. Aspiazuk ukatu egin zuen atentatuan parte hartu zuela.

Gaurko ekitaldiko une bat. ©BERRIA

Omenaldia egin diote Katalunian Txikiri, Guardia Zibilak fusilatu zuen lekuan

Berria

Besteak beste, Txikiren anaia Diego Paredes eta EH Bilduko Iñaki Ruiz de Pinedo mintzatu dira ekitaldian

Ortuzar, Forondan bildurikoei mintzatzen. ©Jaizki Fontaneda / FOKU

«Ez Sanchez ez Feijoo: Euskadi» mezua aireratu du EAJk Alderdi Egunean

Berria

Iñigo Urkullu EAEko lehendakaria, Andoni Ortuzar alderdiko burua eta EGIko Bea Berlanga mintzatu dira Forondako ekitaldian

Arkaitz Rodriguez, gaurko ekitaldian. ©Juan Herrero / EFE

Borrokarako deia egin du Sortuk, «kalean zein erakundeetan»

Berria

Irailaren 27a dela eta, ekitaldi bat egin du alderdiak Tolosan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...