Albistea entzun

Indarkeria matxista

Emakume bati labanarekin eraso dio bikotekideak, Donostian

Atxilotu egin dute 26 urteko gizonezkoa; larri dago emakumea. Gainera, lau emakumek ziztadak salatu dituzte Donostian, eta Zumaian eta Algortan banak; Algortan, gainera, adingabe batek sexu abusuak salatu ditu. Bestalde, Baionan gizon bat behin-behinean preso sartu dute gaur, bikotekideari eraso egiteagatik. Gasteizen, berriz, 51 urteko gizon bat atxilotu zuen atzo Ertzaintzak, emakume bati sexu abusuak egitea leporatuta.

Zumaian (Gipuzkoa) eguerdian egin dute ziztadak gaitzesteko elkarretaratzea.
Zumaian (Gipuzkoa) eguerdian egin dute ziztadak gaitzesteko elkarretaratzea. Urola Kostako Hitza Tamaina handiagoan ikusi

Berria -

2022ko abuztuak 14

Poliziaren esku jarraitzen du Donostian bikotekideari labanarekin eraso egiteagatik atxilotutako 26 urteko gazteak. Igandeko goizeko zazpietan izan zen erasoa, Amara auzoan, eta larri zaurituta eraman zuten ospitalera emakumea. Lepoan eta bizkarraldean zauritu zuten. Indarkeria matxistarekin lotuta beste atxilotu bat ere izan da igande goizaldean; 04:00 aldera atxilotu zuten beste gizon bat, emakume bati ukituak egiteagatik.

Bestalde, gizon bat behin-behinean preso sartu dute Baionan, bikotekideari eraso egiteagatik. Iragan ostegun gauean gertatu zen erasoa, eta Frantziako Poliziak berehala atxilotu zuen gizona. Emakumea aurpegian kolpatu zuen, eta bost eguneko lanerako gaitasun eza ezarri zion medikuak andreari. Baionako prokuradoreak berehala presondegiratzeko agindu zuen, aurrekariak dituelako. Izan ere, iragan astelehenean atera zen kartzelatik, droga trafikoarekin lotutako kondena bat bete ostean. Bihar epaituko dute Baionako Auzitegian.

Ziztada kasuek ere etengabe agertzen jarraitzen dute. Azkenak, asteburuko jaietan: Donostiako Aste Nagusiko lehen egunean lau emakumek salatu dute ziztatu dituztela, Zumaiako Euskal Jaietan batek, eta Algortako (Getxo) Portu Zaharreko festetan beste batek, kasu horretan adingabe batek.

Ertzaintza kasuok ikertzen ari da, eta gaur elkarretaratze bana egin dute hiru leku horietan. Zumaian, mugimendu feministak deituta, Indarkeria matxistarik gabeko bizitzak orain! leloa zeraman pankartaren atzean bildu dira hainbat herritar. Eraso egin zioten emakumea Donostiako ospitalera eraman zuten probak egitera, eta salaketa jarri du.

Eraso gehiago Algortan eta Gasteizen

Algortan, gainera, ziztada kasua ez da salatutako eraso matxista bakarra izan. Adingabe batek salatu du sei eta zortzi lagun arteko gazte talde batek ukituak egin zizkiola. Hori dela eta, arratsaldean elkarretaratzea egin dute han ere, mugimendu feministak deituta.

Ertzaintzak ikerketa zabaldu du Portu Zaharrean gertatutakoa argitzeko, eta beste bat zabaldu du Gasteizen. Han, emakume batek sexu abusu bat salatu du. Poliziak 51 urteko gizon bat atxilotu du.

Ikusi gehiago: Bi eraso matxista salatu dituzte, Irunen eta Azkainen

Biktima izan diren emakumeentzako arreta zerbitzua

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kilometroak jaia, gaur, Ibarran (Gipuzkoa). ©Gorka Rubio / Foku

«Aro berriko lehen Kilometroak» ospatzen ari dira Ibarran

Berria

Eguraldia lagun, jendetza elkartu da Gipuzkoako ikastolen aldeko jaian. Uzturpe Ikastolako patioa egokitzeko erabili nahi dute festan lortutako dirua.

Atzo goizean antolatutako bi mahai inguruetako bat. ©M. DEL VALLE/ FOKU

Ekotopaketak: egiturazko makur bat zuzentzeko

Iñigo Astiz

Kapitalismoaren dinamikaren ondorio ekologiko eta ekonomikoak elkarrekin aztertu dituzte Ekotopaketen bigarren eguneko goizeko mahai inguruan.

Pantxika Maitia moderatzailea, Jean Baptiste Paoli, Delphine Le Bras, Herve Couture eta Aines Dufau, Ikas-ek atzo antolatu hitzaldian, Baionan. ©BOB EDME

Pedagogia ardatz, indarrak batu

Oihana Teyseyre Koskarat

Hizkuntza gutxituetan ikasmateriala ekoizteko dituzten mugez eta erronkez eztabaidatzeko elkartu dira Korsikako, Okzitaniako, Bretainiako eta Ipar Euskal Herriko adituak, Baionan.

 ©Iñigo Uriz / FOKU

«Gure obsesio izan beharko lukete giza eskubideek»

Edurne Elizondo - Nafarroako Hitza

Kazetaria, idazlea eta ikerlaria. Hitz horiekin osatu du Olga Rodriguez Franciscok bere biografia txikia. Nazioarteko hamaika gatazkaren lekuko izan da. Bazter utzitakoak eraman nahi izan ditu beti erdigunera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...