Lapurreta

Beasaindar bat oso larri dago Grezian, jipoi baten ondorioz

Santorini uhartean zegoen 33 urteko Beasaingo (Gipuzkoa) bizilaguna, oporretan. Poliziaren arabera, lapurreta egiteko eraso zioten.

Atenasko Evangelismos ospitalea, artxiboko irudian. PANTELIS SAITAS / EFE Tamaina handiagoan ikusi

Berria -

2022ko abuztuak 15

Santorini uhartean zegoen lagunekin oporretan 33 urteko Beasaingo (Gipuzkoa) bizilaguna, EITBk berri eman duenez. Hainbat lagunek eraso zioten joan den ostegunean, Poliziaren arabera, lapurreta egiteko; bakarrik zegoen eraso ziotenean. Atenasen ospitaleratu dute, ZIU zainketa intentsiboen unitatean, oso larri.

Poliziak 16 eta 19 urte arteko lau lagun atxilotu zituen erasoarekin lotuta, ostegun gauean bertan, hotel batean. Greziako hainbat hedabidek zabaldu dutenez, kamera batzuek grabatutako irudiei esker identifikatu dituzte.

Zaurituaren senideak Grezian dira dagoeneko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut