Albistea entzun

Donostia abordatu dute piratek ia 200 ontzitan

Itzuli da Aste Nagusi Pirataren ikur bihurtu den ekitaldia, bi urteko etenaren ondoren. Ia berrehun ontzi abiatu dira, 17:00ak jo dutenean. Abordatzeak hogeigarren aldia du aurten.

Baltsa piratak, portutik Kontxarako bidean.
Baltsa piratak, portutik Kontxarako bidean. JON URBE / FOKU Tamaina handiagoan ikusi

Hodei Iruretagoiena - Mikel P. Ansa -

2022ko abuztuak 15

Duela hemeretzi urte, 2003ko abuztuaren 11n atera ziren Donostiako Piratak lehenengoz aldiz hiria abordatzera. Hogei bat ontzi baino ez ziren orduan. Izozkiak, zezenketak eta su artifizialak ikur zituzten festei ukitu «herrikoia» emateko asmoz atera ziren uretara, baimenik eskatu gabe. Kontxako hondartzara iristean udaltzainek identifikatu zituzten, eta, protesta modura, udaletxe aurrean utzi zituzten ontziak. Gaur, lehen abordatze hartatik hemeretzi urtera, ehunka lagunek hartuko dute parte abordatzean. Ia 200 baltsa abiatu dira portutik Kontxara gaur: duela bi hamarkada baino ia hamar aldiz gehiago, alegia.

Abordatzea antolatzearen konplexutasunaren seinale da egun osoko festa. Goizean goizetik hasi dira gazteak, eta dagoeneko horren gazte ere ez direnak ere bai, itsasontziak antolatzen. Hiru txanda egin behar izan dituzte, arranpan ontziak muntatzeko lekua izateko; 09:30ean hasi dira lehen txandakoak. Talde bakoitzari ordu eta erdi eman diote beren muntaketa bukatzeko, eta gero portuan aparkatuta utzi dituzte baltsa piratak, arratsaldeko ordu handiaren esperoan.

Kaian bertan dute Flamenka gunea Piratek, eta han egin dute herri bazkaria ehunka eta ehunka abordatzailek. Ez dute animaziorik falta izan, musikarekin eta urezko pistolekin. 17:00ak jo dutenean abiatu dira portutik, Bilgune Feministak suziria jaurti bezain azkar. Ordenatuta, baina zalaparta batean umoretsu abiatu dira piratak abordatzera.

Hasiera haietan ez bezala, protagonismo handia dute gaur egun piratek Donostiako Aste Nagusian. Kofradiaka antolatzen dira, eta milaka lagun biltzen dituzte txosnen inguruan antolatutako egitarauan. Abordatzean ere gero eta jende gehiago atera izan da urtez urte; hasiera batean, aldi baterako ekitaldia zen, festa ereduari buelta bat eman eta bestelako jaiak irudikatzeko, baina piratek ikur bihurtu da azkenean.

Matti pertsonaiak jaurti ohi du urtero-urtero txupina, eta, aurten, hogeigarren abordatzea egin dutela-eta, Bilgune Feministako kideak hartu dituzte lemazain, joan den larunbatean, jaiei hasiera emateko. Physys Versus Nomos taldeak egin du aurtengo abestia: Aurtzaka goaz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Geu elkartearen herri bazkaria, atzo, Landatxon. ©RAUL BOGAJO / FOKU

Loratzen jarraitzeko

Edurne Begiristain

Geu elkartearen 30. urtemuga ospatzeko, egun osoko jaia egin dute Gasteizen. Elkarteko kideen ustez, «mugarri» bat ezarri da euskarak hiriburuan dituen erronkei heltzeko.
 ©OSKAR MATXIN EDESA / FOKU

«Dena dut gogoan: iruditzen zait italiarrak ikusten ari naizela zubitik etortzen»

Amaia Igartua Aristondo

Ederto gogoratzen ditu Basabek 1936ko gerran eta frankismoan bizi izandakoak: hegazkin bonbardatzaileak, italiarrak, beldurra eta gosea; egur eta ikatz bila joan behar izatea txikitan, amari ezer ez faltatzeko. «Bizitza osoan eraman behar da hori».
 ©BERRIA

Hamaikak telebista adimendunetarako bere aplikazioa estreinatu du

Enekoitz Telleria Sarriegi

Hamaikaren digitalizazioan «beste jauzi bat» da aplikazioa. Ostiralean jarri zuten eskuragarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...