Albistea entzun

Okupazioa

Getxoko Itzubaltzeta auzoko Nagusien Etxea ez eraisteko agindu dio udalari auzitegi batek

Ertzaintzak eta Udaltzaingoak hustu eta hesitu dute ingurua, eta hainbat lagun bildu dira protestara. Gune hori erretiratuentzako eremu bat da egun, eta euskaltegi bat ere badu. Elkarretaratzera deitu dute arratsaldean.

Poliziak, gaur goizean, Getxoko Itzubaltzeta auzoan.
Poliziak, gaur goizean, Getxoko Itzubaltzeta auzoan. Marisol Ramirez / FOKU Tamaina handiagoan ikusi

Berria -

2022ko abuztuak 17

Ertzaintzaren Brigada Mugikorreko eta Getxoko (Bizkaia) Udaltzaingoko langileak Itzubaltzeta auzoko Nagusien Etxera joan dira gaur goizean gune hori hustera. Ez dira berriak eremu hori husteko asmoak; azken hilabeteotan behin eta berriz atera da gune hori eraisteko planaren gaia. Azkenean, gaur goizean joan dira duela hainbat urte auzo horretako gaztetxe zaharra izan zena hustera. Egun, adinekoentzako eta erretiratuentzako gune bat zen, eta euskaltegi bat ere bazuen.
Arratsaldean, Bilboko Administrazioarekiko 3. Auzitegiak Getxoko Udalari agindu dio Nagusien Etxea ez eraisteko, epaileak halakorik esan arte behintzat. Nagusien Etxeko erabiltzaileek hasi zuten eraistearen aurkako prozedura judiziala.

Bizilagun batzuen arabera, Ertzaintzako agenteak eta udaltzainak goizean goiz joan dira auzora, 05:00 aldera. Gertatzen ari zenaren berri jakitean, lagun gehiago joan dira Nagusien Etxearen ingurura, eta poliziek jarritako mugaren alboan jarri dira, gune hori hustu ez dezaten exijitzeko. Hainbat lekukoren arabera, Ertzaintzako agenteek horietako hainbat lagun identifikatu dituzte, gertatzen ari zenaren argazkiak ateratzen saiatzeagatik.

Arratsalderako jendez hustua zen ingurua, baina beharginek han jarraitu dute ordu luzez Nagusien Etxea hesitzen. Bizilagunek protestara deitu dute arratsalderako: 19:30ean, Laboral Kutxaren ondoan. «Eraisketari ez. Nagusien Etxea aurrera» jarri dute zabaldutako mezuan.

Getxoko EH Bildu alderdiak gertaera salatu du sare sozialetan, eta gaineratu du EAJ eta PSE alderdiek lotura zuzena dutela gune horren eraiste planean: «EAJk eta PSEk euren mehatxua bete dute, eta Itzubaltzetako Nagusien Etxea desalojatzera eta tapiatzera etorri dira. Auzoa polizialki okupatu dute mehatxuka. Hau da euren eskaintza herriko nagusientzat. Lotsagarria benetan», esan dute.

Herritar, bizilagun eta gune hori erabiltzen duten erretiratu askok eta askok behin baino gehiagotan eskatu dute eraikina ez eraisteko, «historikotzat eta auzorako beharrezkotzat» jotzen dutelako. Horregatik, Getxoko Udalari eta Bizkaiko Foru Aldundiari eskatu diete eraikina eraitsi ostean egin asmo duten belaunaldi desberdinen arteko gune hori beste leku batean eraikitzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Enpresek erabakitzen dute eskola jangeletan zer eta nola jan»

Irati Urdalleta Lete

Sukaldeak eskoletan egotea, enpresa txikiei aukera ematea... Viñuelaren irudiko, jangeletan bada zer hobetua, pausoak ikusi arren: «Borondatea falta da, eta beldur handia dago».
Claveria, eskuinean, eta Amaya, erdian, atzo, biltzarraren ondorio nagusiak aurkezten. ©MONIKA DEL VALLE / FOKU

Ijito eta emakume izateagatik

Maite Asensio Lozano

«Genero antitziganismo» kontzeptua definitzeko lehen pausoak egin dituzte Bilbon, asteon Romi Berriak eta Amuge elkarteek antolatutako biltzar batean. «Jazarpen sistematikoa» salatu dute.
Gotzone Sagardui Osasun sailburua, atzo, Eusko Legebiltzarrean. ©R.BOGAJO/ FOKU

Osasun Publikoaren Lege proiektuari «gabeziak» ikusi dizkio oposizioak

Edurne Begiristain

Jaurlaritzako Osasun sailburuak azaldu du osasuna «politika publiko guztien» oinarrian jarri nahi dutela. EH Bilduk eta Elkarrekin Podemos-IUk esan dute lan egingo dutela egitasmoa «hobetzeko»

Urriaren 21etik 23ra Marieniako lurrak okupatzera deitu dute

Ekhi Erremundegi Beloki

Kanpaldia antolatuko dute Kanbon laborantza lurren salmenta salatzeko. Ipar Euskal Herriko borroken topagune izatea nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...