Albistea entzun

Saudi Arabia

Emakume saudiarabiar bati 34 urteko espetxe zigorra ezarri diote Twitterren duen jardunagatik

Salma al-Xehab izena du, eta bere delitua izan da Palestinako eta Yemengo herrien abertzaletasuna babestu eta emakumeen eskubideen alde agertzea. Saudi Arabiak emakumeen eskubideak defendatzen dituen ekintzaile bati ezarri dion kondenarik luzeena da.

Saudi Arabiako Mohammed bin Salman printzea Joe Biden AEBetako presidentearekin
Saudi Arabiako Mohammed bin Salman printzea Joe Biden AEBetako presidentearekin BANDAR ALJALOUD HANDOUT / EFE Tamaina handiagoan ikusi

Lide Egizala Urteaga -

2022ko abuztuak 17

Leedseko (Erresuma Batua) Unibertsitateko ikasle saudiarabiar bati 34 urteko espetxe zigorra ezarri diote bere Twitter kontutik Saudi Arabiako Gobernuarekiko disidenteak eta ekintzaileak jarraitzeagatik. Salma al-Xehab izena du emakumeak; 34 urte ditu, eta bi haurren ama da.

Saudi Arabiako terrorismoaren auzitegiak leporatu dio «istilu publikoak» eragitea eta «segurtasun zibila eta nazionala ezegonkortu» nahi duten Twitterreko kontuak jarraitzea eta txioak birtxiotzea. Epaia Joe Biden Amerikako Estatu Batuetako presidenteak Saudi Arabiara bisita egin eta aste batzuetara eman dute. Aurretik, giza eskubideen aldeko ekintzaileek emana zuten abisua: presidentearen bisitak erreinua adoretu zezakeen disidenteen eta demokraziaren aldeko beste ekintzaile batzuen aurkako errepresioa areagotzeko. Hala izan da.

Xehab Erresuma Batura joan zen 2018. urtean, Leedseko Unibertsitatean doktoretza bat egitera. 2020ko abenduan itzuli zen Saudi Arabiara oporretan, eta bi semeak eta senarra berarekin Erresuma Batura eramateko asmoa zuen. Orduan, Saudi Arabiako agintariek galdeketa bat egin zioten, eta azkenean atxilotu eta epaitu egin zuten bere txioengatik.

Hasieran hiru urteko espetxe zigorra ezarri zioten. Egotzi zioten Interneteko webgune bat erabiltzea «istilu publikoak» eragiteko eta «segurtasun zibila eta nazionala ezegonkortzeko». Fiskal batek, ordea, auzitegiari beste ustezko delitu batzuk kontuan hartzeko eskatu zion, eta apelazio auzitegi batek astelehenean eman zuen epai berria: 34 urteko espetxealdia ezarri dio.

Salma al-Xehaben sare sozialak

Xehab ez da ekintzaile bereziki ospetsua Saudi Arabian, ezta Erresuma Batuan ere. Instagramen bere burua honela deskribatzen zuen: hortzetako higienista, mediku hezitzailea, Leedseko Unibertsitateko doktoregoko ikaslea eta Nourah bint Abdulrahman Printzesa Unibertsitateko irakaslea; baita Noahren eta Adamen ama ere.

Twitterren berriz, COVID-19ari buruzko txioen eta bere semeen argazkien artean, Xehabek erbestean bizi ziren Saudi Arabiako disidenteen txioak birtxiokatzen zituen, erresumako preso politikoak askatzeko eskatzen zutenak. Horretaz gain, Loujain al-Hathloul Saudi Arabiako ekintzaile feminista ere babesten zuen.

Saudi Arabiako Giza Eskubideen Europako Erakundeak Xehaben epaia gaitzetsi du, ekintzaile baten aurka emandako luzeena dela esanez. Adierazi duenez, ekintzaile askori epaiketa bidegabeak egin zaizkie, eta, horien ondorioz, epai arbitrarioak eman dira; «tortura larriak» jasan dituztela ere gaitzetsi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Von der Leyen Europako Batzordeko presidentea , Macron Frantziako presidentea eta Michel Europar Kontseiluko presidentea. ©OLIVIER HOSLET / EFE

Europan «komunitate politikoa» hedatzeko goi bilera egingo dute

Gorka Berasategi Otamendi

Lehen bilera egingo du gaur Europako Komunitate Politikoak, Pragan. Atzerri gaiei buruzko foro bat izatea du helburu, EBren eta haren inguruko herrialdeen arteko «elkarlan politikoa» sustatzeko
Danimarkako lehen ministro Mette Frederiksen, atzo. ©LISELOTTE SABROE / EFE

Danimarkako bozak azaroaren 1era aurreratu ditu lehen ministroak

Mikel O. Iribar Mikel Elkoroberezibar Beloki

Gobernua babesten duten alderdiek behartuta hartu du erabakia Mette Frederiksenek. Milioika bisoiren hilketak sorrarazi du krisi politikoa
Akordio sozialaren prentsaurrekoa, atzo, Bartzelonan. ©INTERSINDICAL

Berrehun udalerri amnistiaren eta autodeterminazioaren alde

Berria

Kataluniako 300 erakundek eta alderdik babestu dute Autodeterminazioaren eta Amnistiaren Aldeko Akordioa
 ©SOUTH KOREAN DEFENSE MINISTRY HA / EFE

Lau misil balistiko jaurtiz erantzun diote AEBek eta Hego Koreak Ipar Koreari

Igor Susaeta

Seulek eta Washingtonek osatutako aliantzak esan du erakutsi nahi izan dutela «gaitasuna eta prestakuntza» dutela «probokazioari» aurre egiteko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...