Albistea entzun

Lan istripuak

Basomutil bat hil da Zeanurin

Administrazioari galdegin diote erantzukizuna hartzeko lan istripuen inguruan. Aurten 51 langile hil dira lanean ari zirela, sindikatuen arabera.

Oiartzunen atzo izandako lan heriotza salatzeko elkarretaratzea, Larranben industriagunean.
Oiartzunen atzo izandako lan heriotza salatzeko elkarretaratzea, Larranben industriagunean. LAB Tamaina handiagoan ikusi

Julen Otaegi Leonet - Jokin Sagarzazu -

2022ko abuztuak 17

Zeanurin (Bizkaia) zuhaitz mozketa batean parte hartzen ari zen langile bat hil da asteazken honetan, moztutako aleetako bat gainera erori eta hark emandako kolpearen ondorioz, Bizkaiko suhiltzaileek eta Eusko Jaurlaritzako Segurtasun Sailak jakitera eman dutenez.

Gertaera arratsaldeko 16: 30 aldera izan da. Moztutako zuhaitzak langilea harrapatu du, eta, larrialdietako zerbitzuak mobilizatu diren arren, ezin izan dute ezer egin. Langilea tokian bertan hil da.

Sindikatuen zenbaketaren arabera, aurten 51 pertsona hil dira lan istripuan Euskal Herrian.

Protestak

Atzo, berriz, 52 urteko garraiolari bat zendu zen Oiartzunen (Gipuzkoa), Lanbarren poligonoan lanean ari zela. Ondoezak jota hil zen behargina, kamioiaren kabinan, «lan istripu ez-traumatiko baten ondorioz», LAB sindikatuak zehaztu duenez.

Garraiolaria oroitu eta heriotza gaitzetsi dute 12:00etan, Lanbarren industrialdean bertan. Gehiengo sindikala bildu da bertan, Lan istripu gehiagorik ez. Prekaritatea hiltzailea lelopean. Administrazioari, Osalani eta Lan Ikuskaritzari «euren gabezia handiei konponbidea» jartzeko galdegin diete sindikatuek; «arrisku guneetan beharrezko kontrol neurriak ipini behar dituzte».

LABen zenbaketaren arabera, Oiartzungoa aurten lanean ari zela hil den 50. langilea da. Joan den astean, bi langile hil ziren lanean: garraiolari bat Elgoibarren (Gipuzkoa), eta eraikuntzako langile bat Errenterian (Gipuzkoa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Urkullu Ingeteameko buruekin. ©BERRIA
Abdulaziz bin Salman al-Saud Saudi Arabiako Energia ministroa, asteazken honetan Vienan eginiko bileran ©CHRISTIAN BRUNA (Efe)

LPEE Moskurekin lerrokatu da eta petrolio ekoizpena murriztuko du

Jokin Sagarzazu - Iker Aranburu

Erabaki «tekniko» bat dela argudiatu du taldeak, motelaldi ekonomikoak prezioan izan dezakeen eragina txikitzeko. Bi milioi upel gutxiago ekoiztuko dituzte, munduko produkzioaren %2 inguru

Petroliontzi bat San Petersburgon., ©Anatoli Maltsev / Efe

Errusiako petrolioaren prezioari muga bat jarriko dio EBk

Iker Aranburu

Saudi Arabiak, Errusiak eta LPEE+ taldeko ekoizleek bi milioi upel gutxiago merkaturatuko dituzte, salneurria igotzeko.

Jose Miguel Aierza Adegiko zuzendaria, Eduardo Junkera presidentea eta Patxi Sasigain Lehiakortasun arduraduna. ©ANDONI CANELLADA / FOKU

Adegik «sakrifizioa» eskatu die langileei ere, «okerraldia» iritsi baita

Xabier Martin

Konfiantza jaitsi egin dela esan du Gipuzkoako patronalak, eta enpresa osatzen duten guztiak «batera» aritzera deitu ditu. Konfiantzak «nabarmen» jaitsi arren, datu ekonomikoak ez dira oraingoz askorik hondatu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.