Albistea entzun

TURISMOA

Eneko Goiaren gobernukideek baztertu egin dituzte alkateak proposatutako turismo tasak

PSE-EEko eta PPko ordezkariek Eneko Goiaren proposamena kritikatu dute. Udalerriek kudeatutako turismo tasa ezartzea eskatu dio Donostiako alkateak Eusko Jaurlaritzari.

Eneko Goia Donostiako alkatea, artxiboko irudi batean.
Eneko Goia Donostiako alkatea, artxiboko irudi batean. GORKA RUBIO / FOKU Tamaina handiagoan ikusi

Iñaut Matauko Rada -

2022ko abuztuak 18

Eneko Goiak Onda Vasca irratian Eusko Legebiltzarrari proposatu zion udalerriek kudeatuko duten turismo tasa bat ezartzea, eta atzo eskaera hori berretsi zuen, Aste Nagusian egin ohi duten gosarian. Goiak dio Donostiako Udalak ez duela eskumenik halako tasarik ezartzeko, eta horregatik eskatu dio legebiltzarrari proposamena kontuan hartzeko. Goiaren esanetan, 2019an aurrerapausoak eman zituzten tasa ezartzeko, baina gehitu du pandemiak dena geratu duela; hori dela eta, tasa hori ezartzeko asmoa azaldu du berriz.

Oposizioko alderdiek eta gobernukide den PSE-EEk Goiaren asmoa kritikatu dute. EH Bilduk dio «adierazpen hutsetan» geratuko direla Goiaren hitzak, «hotelei muga jartzearekin gertatzen den moduan». Hori dela eta, Donostiak jasan dezakeen karga turistikoa denen artean zehazteko eskatu dio koalizio abertzaleak alkateari.

Marisol Garmendia Donostiako Udaleko PSE-EEko bozeramaileak eta bigarren alkateordeak ere Goiaren proposamenaren aurka egin du. Garmendiak turismoak hiriaren ekonomian duen garrantzia nabarmendu du, eta sektorea deabrutzea leporatu dio Goiari. Donostiako sektore turistikoari «ikuspegi inkisidore» batekin begiratzea ere egotzi dio EAJri.

PSE-EEko beste goi kargu batek ere kritikatu ditu Goiaren hitzak: Eusko Jaurlaritzako Turismo, Komertzio eta Kontsumo sailburuak, Javier Hurtadok. Haren ustez turismo tasa ez da ez beharrezkoa, ez lehentasunezkoa, eta gogorarazi du ez EAJk ezta PSE-EEk ez zutela halako proposamenik hauteskunde kanpainan: «Legealdi honetan ez da halako tasarik ezarriko», iragarri du. Bestalde, adierazi du 2019an instituzio guztiek —aldundiek, udalek eta sektoreko ordezkariek— gai horri buruz eztabaidatu zutela, eta «orokorrean baztertua» izan zela gogorarazi du.

Araba, Bizkai eta Gipuzkoako PPk ere turismo tasaren aurka egin du. Carmelo Barrio Eusko Legebiltzarreko PP+Ciudadanos taldeko bozeramaileak adierazi du «konfiskazio politikei ezetz» esan behar zaiela, eta halako zerbait berriro proposatzea «albiste txarra» dela gehitu du: «Turismoaren sektorea krisitik ateratzen saiatzen ari denean, zergen mehatxuak iritsi zaizkio», dio.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zarauzko lore eskaintza. ©G. RUBIO / FOKU
EH Bilduko Laura Aznal eta Bakartxo Ruiz, atzo, Iruñeko egoitzan. ©JAGOBA MANTEROLA/ FOKU

EH Bilduk «eskua luzatuta» du 2023ko aurrekontuak negoziatzeko

Joxerra Senar

Nafarroako Gobernuko ordezkariak gaur bilduko dira lehen aldiz koalizio abertzaleko kideekin

Beatriz Artolazabal, Zaballako espetxean egindako ekitaldian, atzo. ©RAUL BOGAJO / FOKU

Araba, Bizkai eta Gipuzkoan presoen laurdenak hirugarren graduan daude

Iosu Alberdi

Eusko Jaurlaritzak graduz aldatutako 457 presoetatik 25 «ETArekin lotuta» kartzelatutakoak dira

Laura Aznal eta Bakartxo Ruiz EH Bilduko parlamentariak. ©Jagoba Manterola / Foku

EH Bilduk «eskua luzatuta» dauka Nafarroako aurrekontuak negoziatzeko

Joxerra Senar

Laura Aznalek ohartarazi dio gobernuari «exijenteak» izango direla, eta galdegin dio egoeraren arabera ardura izatea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...